ئەفسانەیەکی نەسر: کێشەی سەرەکی نەسر کریستیانۆیە
یاریگا –
فەهد هەریفی، یاریزانی پێشووی نەسری سعودی، کریستیانۆ رۆناڵدۆی ئەستێرەی پورتوگالی بە هۆکاری شکست و ئەنجامە خراپەکانی تیپە زەردپۆشەکەی سعودیە دەزانێت.
نەسر لە کۆتا 3 یاریدا دۆڕاوە و یەکسان بوونیکیشی بەرامبەر حەزم هەیە. لە خولی یانە پاڵەوانانی ئاسیا بەرامبەر عەین تووشی شکست بوون و دۆڕانێکی سەختیان بەرامبەر رائید لە خولەکەدا ئەزموون کرد.
هەریفی بە بڵاوکردنەوەی گرتەیەکی ڤیدیۆیی لە تۆڕی کۆمەڵایەتی ئێکس رەخنەی لە رۆناڵدۆ گرت و گوتی:
پێشتر دەمگوت تۆپەکە بدەن بە رۆناڵدۆ ئەو خۆی پاڵەوانێتیی و نازناوەکان بەدەست دەهێنێت، بەڵام ئێستا دڵنیام کە ناتوانێت هیچ بکات. تەمەنی رۆناڵدۆ وایکردووە باروودۆخی جیاواز بێت.
تفسيري لهذا المقطع ..👇
كنت اقول في السابق
عطوا رونالدو كورة ويجلب البطولات
الان عطوا رونالدو مجموعة ويا الله يجيب بطولة …!!اتمنى انك كنت
تعاتب نفسك على كل فرصة أضعتها ..!!العمر له احكام ..!! pic.twitter.com/zxolFd2kvX
— فهد الهريفي (@Fahadalhurifi) March 8, 2024
ئێستا جیاوازی خاڵی نێوان نەسر و هیلال 12 خاڵە و ئەمە هۆکارێکە بۆ ئەوەی هیلال بە پاڵەوانی خولی سعودیە هەژمار بکرێت و نەسر دووبارە لە بەدەست هێنانی نازناوی سعودیە بێبەش بکات.
