ریال مەدرید ئامانجێکی پاریس سانجێرمان دەڕفێنێت
مەدرید بەرۆکی پاریس بەرنادات
یاریگا –
ریال مەدرید لێنی یۆرۆی بەرگریکاری لیلی فەڕەنسی کردووەتە ئامانج.
رۆژنامەی مارکا بڵاویکردووەتەوە، ریال مەدرید بەرگریکاری فەڕەنسی لیل، لێنی یۆرۆی کردووەتە ئامانج و دەیەوێت بیگوازێتەوە ریزەکانی.
بەرگریکارە تەمەن 18 ساڵانییەکە ئامانجێکی لەمێژینەی پاریس سانجێرمانە، بەڵام یانە ئیسپانییەکە رکابەری پاریسییەکان دەکات و دەیەوێت یاریزانەکە لە چنگییان بڕفێنێت.
#LaPortada Sin prisa pero sin pausa 🗞️ pic.twitter.com/PNYSGMON5O
— MARCA (@marca) March 8, 2024
بەپێی زانیارییەکانی مارکا، لیل نایەوێت دەستبەرداری لێنی ببێت، بەڵام ئەگەر ناچاربن ئەوا ئامادە نین بە کەمتر لە 100 ملیۆن یۆرۆ دەستبەرداری یاریزانەکەیان بن،
بەپێی هەمان سەرچاوە، لیل نایەوێت بەهیچ شێوەیەک یاریزانەکەی بە پاریس بفرۆشێت، خودی یاریزانەکەش تەنیا ریال مەدریدی دەوێت، بەو دوو هۆکارەش ریال مەدرید دەتوانێت کێبڕکێکە لە پاریس بباتەوە.
بەڵام گرفتی سەرەکی مێرێنگی نرخە زۆرەکەی یۆرۆیە، ریال نایەوێت ئەو نرخەی پێبدات، کە تەنیا 16 مانگ بۆ بەسەرچوونی گرێبەستەکەی ماوە.
رەنگە دارودەستەکەی پێرێز تا کاتی بەسەرچوونی گرێبەستەکەی چاوەڕوانبن و دواتر بەگرێبەستێکی ئازاد بیگوازنەوە، بەڵام ئەگەر لیل بۆچوونی بگۆڕێت، لە هاوینی داهاتوو نرخێکی کەمتر داوا بکات، ئەوا ریالیش دەست بە جوڵە دەکات.
لێنی یۆرۆ لەم وەرزە لە سەرجەم پاڵەوانێتییەکاندا 32 یاری بۆ یانەکەی کردووە و 3 گۆڵیشی کردووە.
