تۆخێل نهێنی دانیشتنی بەردەوامی لە یاری بەرامبەر لازیۆ ئاشكرا دەكات
یاریگا –
تۆماس تۆخێل، راهێنەری ئەڵمانی یانەی بایرن میونشنی هەمان وڵات نهێنی دانیشتنی بەردەوامی لە یاری بەرامبەر لازیۆ ئاشكرا دەكات.
شەوی رابردوو بایرن میونشن لە یاریگای ئالیانز ئارێنای تایبەت بە خۆی میوانداری لازیۆی كرد و یاریەكەشی بە ئەنجامی سێ گۆڵی بێ وەڵام لێ بردەوە، لە میانی یاری گەڕانەوەی قۆناخی شازدەی خولی یانە پاڵەوانەكانی ئەوروپا.
بەو ئەنجامەش یانە ئەڵمانییەكە بە ئەنجامی هەردوو یاری هاتن و چوون لە گەیشتنیان بە قۆناخی چارەكی كۆتایی سەركەوتوو بوون.
Thomas Tuchel reveals that he might have broken his toe after giving his pre-game team talk 😳 pic.twitter.com/aEbRP5RiBR
— CBS Sports Golazo ⚽️ (@CBSSportsGolazo) March 5, 2024
لە دوای یارییەكە و لە لێدوانێكی رۆژنامەوانیدا تۆماس تۆخێل ئاشكرایكرد كە پێش یارییەكە پەنجەی قاچی شكاوە.
Thomas Tuchel broke his toe after he kicked a box in the dressing room during the motivational speech 😂😭
— Bayern & Football (@MunichFanpage) March 5, 2024
تۆخێل گوتی:
لە ژووری جل گۆڕین لە كاتی قسەكردنی هاندانیدا پێش یارییەكە لە سندوقێكم دا، پەنجە گەورەی قاچم ئازاری پێگەیشت، پێموانییە بتوانم پێڵاوەكانم لاببەم.
هەمووان پرسیاری ئەوەیان دەكرد كە بۆچی بۆ ماوەی 90 خولەك دانیشتووم.
خێرا چارسەر كرام، بەڵام بوێری ئەوەم نەبوو پێڵاوەكانم لابەم، چونكە نیگەران بووم لەوەی دووبارە نەتوانم لە پێی بكەمەوە، هەر بۆیە بە درێژایی یارییەكە لەسەر كورسی یەدەگ دانیشتم.
Thomas #Tuchel humpelt mit seinem verletzten Zeh aus der Arena. Gute Besserung! pic.twitter.com/cAoHI50NGX
— Stefan Kumberger (@StefanKumberger) March 5, 2024
لە دوای پاریس سانجێرمان بایرن میونشن بوو بە دووەم یانە كە گەیشتنیان بە قۆناخی چارەكی كۆتایی خولی یانە پاڵەوانەكانی ئەوروپا یەكلایی بكەنەوەz
