یاریگا –
چاڤی هێرناندێز، راهێنەری یانەی بارسێلۆنای ئیسپانی باس لە پێكانی دوو ئەستێرەی یانەكەی فرێنكی دی یۆنگ و پێدری گۆنزالێز دەكات.
شەوی رابردوو ئاتلێتیك بلباو لە یاریگای سان مامێسی تایبەت بە خۆی میوانداری بارسێلۆنای كرد و یارییەكەش بە بێ گۆڵ بۆ هەردوولا یەكسان بوون، لە میانی یارییەكانی هەفتەی 27ی لالیگای ئیسپانیا.
Empat a San Mamés pic.twitter.com/0hiGg9rS0I
— FC Barcelona (@FCBarcelona_cat) March 3, 2024
لە خولەكی 26ی یارییەكەدا فرێنكی دی یۆنگ تووشی پێكانێكی سەخت بوو نەیتوانی یارییەكە تەواو بكات و فێرمین لۆپێز جێگای گرتەوە.
هەروەها لە خولەكی 45 هاوشێوەی دی یۆنگ پێدریش تووشی پێكان بوو نەیتوانی یارییەكە تەواو بكات و یاریگای جێهێشت و لامین یامال لە جێگای بەشداری كرد.
🚨🔵🔴 Xavi: “Pedri and de Jong’s injuries do not look good, unfortunately. It seems serious”.
“We are sad, as I think they will be out for some time”. pic.twitter.com/P0BYT7DqY0
— Fabrizio Romano (@FabrizioRomano) March 3, 2024
لە دوای یارییەكە چاڤی هێرناندێز گوتی:
بەداخەوە پێكانەكانی دی یۆنگ و پێدری باش دەرناكەون و پێدەچێت مەترسیدار بێت.
ئێمە دڵتەنگین، چونكە پێموایە ماوەیەك لە یاریگاكان دوور دەكەونەوە، كارەساتبارە كە دوو یاریزانی زۆر گرنگ پێكانیان هەیە، ئەمڕۆ و سبەی زیاتر لەسەر ئەو پێكانانە دەزانین، كاریگەری لەسەر تیپەكەمان دەبێت و رۆژێكی دڵتەزێن بوو بۆ ئێمە.
یارییەكی باشمان نەكرد و نەمانتوانی بە باشی هێرش ببەین، یارییەكەمان بە دڵتەنگی كۆتایی پێهێنا چونكە نەمانتوانی باشترین وەشانی خۆمان پێشكەش بكەین، جێگای داخە چونكە تیمەكە دەیتوانی زۆر زیاتر پێشكەش بكات، ئەو دەرفەتەمان لە دەستدا و نەمانتوانی جیاوازی خاڵەكانمان كەم بكەینەوە.
بارسێلۆنا بە كۆكردنەوەی 58 خاڵ لە ریزبەندی سێیەمی لالیگا دێت و بە جیاوازی هەشت خاڵ لە دوای ریال مەدڕیدی پێشەنگەوە دێت.
