یاریگا –
کیلیان ئێمباپێ دەیەوێت لەگەڵ ئەشرەف حەکیمی بەردەوامبێت لە یاریکردن.
کەناڵی ئێل چیرینگویتۆ بڵاویکردووەتەوە، کیلیان ئێمباپێی فەڕەنسی داوای لە ریال مەدرید کردووە گرێبەست لەگەڵ ئەشرەف حەکیمی هاوڕێی واژۆ بکەن.
دوای 7 ساڵ یاریکردن بۆ پاریس سانجێرمان، ئێمباپێ لە هاوینی داهاتوو ماڵئاوایی لە یانەکەی دەکات و پەیوەندی بە یانەی خەونەکانی دەکات.
🚨 “MBAPPÉ ha pedido un ESFUERZO al REAL MADRID para fichar a ACHRAF”.
EXCLUSIVA de @pacogcaridad en #ChiringuitoMbappé. pic.twitter.com/Si9ziRAeZU
— El Chiringuito TV (@elchiringuitotv) February 29, 2024
سەرەڕای ئەوەی کیلیان بە گرێبەستێکی ئازاد پەیوەندی بە ریال مەدرید دەکات، بەڵام چەند مەرجێکی بۆ یانە ئیسپانییەکە داناوە.
جیا لە حەکیمی، ئێمباپێ و ماڵباتەکەی داوایان لە مێرێنگی کردووە، گرێبەست لەگەڵ ئیتان برای کیلیان واژۆ بکەن، کە ئەویش یاریزانی پاریس سانجێرمانە و هاوینی داهاتوو هاوشێوەی کیلیانی برای گرێبەستەکەی لەگەڵ یانەکەی پاریس کۆتایی دێت.
هەر بەپێی زانیارییەکانی ئێل چیرینگویتۆ، ریال مەدرید رەزامەندیی سەرەتایی دەربڕیوە و ئامادەیە برایە بچووکەکەی ئێمباپێ بگوازێتەوە ریزەکانی. بەڵام سەبارەت بە حەکیمی تا ئێستا وەڵامی مەدریدییەکان ئاشکرا نەکراوە.
حەکیمی لە ئەکادیمیای ریال مەدرید پێگەیشتووە، لە 2017 یاری بۆ تیپی یەکەمی یانەکە کردووە، لە 2018 بەشێوەی خواستن پەیوەندی بە دۆرتموند کرد و لە 2020 ریال مەدرید بە 43 ملیۆن یۆرۆ یاریزانەکەی بە ئینتەر میلان فرۆشت.
ساڵێک دواتر ئینتەر بە 68 ملیۆن یۆرۆ یاریزانەکەی بە پاریس سانجێرمان فرۆشت، لە پاریس لەگەڵ کیلیان دووانەیەکی مەترسیداریان لێ درووست بوو، بوون بە دوو هاوڕێی نزیکیش.
Kylian Mbappé réclame une recrue au Real Madrid https://t.co/OV6XuMkbeY
— Foot Mercato (@footmercato) February 29, 2024
