یاریگا –
راپۆرتە رۆژنامەوانیەكان زانیاری نوێیان سەبارەت بە داهاتووی ڤیكتۆر ئۆسیمینی نایجیری و هێرشبەری یانەی ناپۆلی ئیتاڵی ئاشكرا كرد.
گرێبەستەكەی ئۆسیمین لەگەڵ ناپۆلی لە هاوینی ساڵی 2026 بەسەردەچێت.
لە ماوەی رابردوودا ئۆرێلیۆ دی لاورێنتیس سەرۆكی یانەی ناپۆلی ئیتاڵی رایگەیاند كە لە كۆتایی وەرزدا هێرشبەری یانەكەی ڤیكتۆر ئۆسیمین ریزەكانی یانەكەیان جێدەهێڵێت.
رۆژنامەنووس بن جاكۆبس ئاشكرایكرد، خواستی یەكەمی ئۆسیمین لە هاوینی داهاتوودا پەیوەندیكردنیەتی بە خولی ئینگلیزیەوە و ناپۆلیش لاری لە رۆیشتنی نیە.
ئاماژەی بەوەشكردووە، هەریەك لە یانەكانی ئارسیناڵ و چێڵسی لە گواستنەوەكانی هاوینی داهاتوودا گرنگی بە گواستنەوەی هێرشبەرەكەی ناپۆلی دەدەن.
لە راپۆرتەكەشدا هاتووە، بڕی هەڵوەشاندنەوەی گرێبەستەكەی ئۆسیمین 130 ملیۆن یۆرۆیە.
لە كۆتاییشدا هاتووە، پاریس سانجێرمانی فەڕەنسیش هێرشبەرە نایجێریەكەی دەوێت، بەڵام خواستی یەكەمی یاریزانەكە پرێمەرلیگە.
🚨 Arsenal could target a move for Napoli striker Victor Osimhen this summer but they face competition from Chelsea and PSG for the 25-year-old!
(Source: GiveMeSport) pic.twitter.com/AqKfbXnViL
— Transfer News Live (@DeadlineDayLive) February 26, 2024
ئۆسیمین لەم وەرزەی سێریا ئەی لە 20 یاری بەشداری كردووە و توانیویەتی 10 گۆڵ بكات و سێ گۆڵیش درووست بكات.
