ڤیدیۆ: ئەسپەکەی فێرگسن لە سعوودیە پلە یەکەمی بەدەستهێنا و 1.2 ملیۆن دۆلاری بردەوە
یاریگا –
ئەسپەکەی سێر ئەلێکس فێرگسن لە سعوودیە پلەی یەکەمی بەدەستهێنا و راهێنەرە سکۆتلەندییەکە 1.2 ملیۆن دۆلاری بردەوە.
سپێرت دانسەر ئەسپە تایبەت و بەناوبناگەکەی سێر ئەلێکس فێرگسن راهێنەری پێشووی مانچێستەر یونایتد لە جامی نیۆم بۆ پێبشرکێی ئەسپسواری لە سعوودیە، پلەی یەکەمی بەدەستهێنا و ئەسپەکەی فێرگسن ملیۆنێک و 200 هەزار دۆلاری بردەوە.
فيديو | "سبيرت دانسر" لمالكه السير أليكس فيرغسون يحقق كأس نيوم ضمن #كأس_السعودية 🐎#الإخبارية_رياضة pic.twitter.com/UKjj5Jss05
— الإخبارية – رياضة (@sport_ekh) February 24, 2024
سێر ئەلێکس فێرگسن کە لەوەتەی خانەنشین بووە روویکردووەتە یاریی ئەسپسواری لە سعوودیە بۆ چاودێریکردنی ئەسپەکەی ئامادە بوو، بەبۆنەی یەکەمبوونی ئەسپەکەی ئاهەنگی گێڕا و دوای کۆتایی هاتنی پێشبڕکێیەکان راهێنەرە سکۆتلەندییەکە جامەکەی بەرزکردەوە.
فيديو | تتويج بطل كأس نيوم "السير أليكس فيرغسون" بعد فوز جواده "سبيرت دانسر" #كأس_السعودية 🐎#الإخبارية_رياضة pic.twitter.com/JlPwuv1lrN
— الإخبارية – رياضة (@sport_ekh) February 24, 2024
ئەسپەکەی فێرگسن لە پێشبڕکێیەکەدا کە دوو هەزار و 100 مەتر بوو، بە دوو کاتژمێر و حەفت خولەک و 10 چرکە مەودایەکەی بڕی و پلەی یەکەمی بەدەستهێنا.
فێرگسن ساڵانێکی زۆرە خولیای پێشبڕکێی ئەسپسواری هەیە، چوار مانگ لەمەوبەر ئەسپەکەی سێر لە خەڵاتی گەورەی بەحرەینیش پلەی یەکەمی بەدەستهێنا و ئەسپەکەشی وەکو خۆی لە بەدەستهێنانی پلەی یەکەم لێزان و لێهاتووە.
