نزیکترین هاوڕێی مێسی پەیوەندیکردنی ئێمباپێ بە ریال مەدرید دووپات دەکاتەوە

یاریگا –

گیلەم بالاگیی نزیکترین هاوڕێی لیۆنێل مێسی، پەیوەندیکردنی ئێمباپێی بە ریال مەدرید دووپاتکردەوە.

رۆژنامەنووسی بی بی سی گیلەم بالاگی بڵاویکردووەتەوە، کیلیان ئێمباپێ لەگەڵ ریال مەدرید گەیشتووەتە رێککەوتن، بەڵێی بۆ یانە ئیسپانییەکە کردووە و هاوینی داهاتوو پەیوەندی بە مێرێنگی دەکات.

#PSG striker #Mbappe agrees to join #RealMadrid!

Here’s my piece for @BBCSport ⤵️ https://t.co/f0ElcyDlPN pic.twitter.com/AP2WVZHdB9

— Guillem Balague (@GuillemBalague) February 20, 2024

بالاگی ئاماژەی بەوەشکردووە، کیلیان و مەدرید جارێ رێککەوتنەکە ئاشکرا ناکەن، چوونکە ترسی ئەوەیان هەیە لەم وەرزەی چامپیۆنزلیگ ریال مەدرید و پاریس سانجێرمان رووبەڕوو ببنەوە.

هەر بۆیە دوی کۆتایی هاتنی وەرزەکە، بە فەرمی گواستنەوەی ئەستێرە فەڕەنسییەکە بۆ یانەی خەونەکانی رادەگەیەندرێت و هەمووشتێک کۆتایی هاتووە.

گیلەم بالاگیی یەکێکە لە باوەڕپێکاورترین رۆژنامەنووسەکان و نزیکترین هاوڕێی لیۆنێل مێسی ئەرجەنتینییە، هەمان ئەو رۆژنامەنووسەیە بۆ یەکەمجار هەواڵی پەیوەندیکردنی مێسی بە ئینتەر مەیامی بڵاوکردەوە.

کیلیان لە هاوینی 2018 لە مۆناکۆی فەڕەنسییەوە بە بڕی 180 ملیۆن یۆرۆ پەیوەندی بە پاریس سانجێرمان کرد، بە درێسی پاریس لە سەرجەم پاڵەوانێتییەکاندا 291 یاری کردووە، 244 گۆڵی کردووە و 105 گۆڵیشی درووستکردووە.

ئێمباپێ گرێبەستی لەگەڵ ریال مەدرید واژۆ کرد