یاریگا –
هەڵبژاردەی ئافرەتانی عێراق له سعودییه بۆ بەشداریکردن لە پاڵەوانێتی خانمانی رۆژئاوای ئاسیا
شاندی هەڵبژاردەی خانمانی عێراق گه‌شتی سعودییه‌یان كرد بۆ بەشداریکردن لە هه‌شته‌مین پاڵەوانێتی جامی خانمانی رۆژئاوای ئاسیای، كه له شاری جددە لە سعودیە به‌رێوه‌ده‌چێت.
دێرین مه‌حمود یاریزانی كوردی هه‌ڵبژارده‌ی عێراق له لێدوانێكی تایبه‌تی بۆ تۆڕی وه‌رزشی یاریگا گوتی، ئاماده‌كاریی باشمان بۆ پاڵه‌وانه‌تیه‌كه كردووه، به تایبه‌ت دوو ئۆردوگای مه‌شقیمان له پاریس و دوبه‌ی سوودی زۆری هه‌بوو، ده‌مانه‌وێت ئه‌نجامێكی باش به‌ده‌ست بهێنین.
یاریزانه كورده‌كه‌ی هه‌ڵبژارده‌ی عێراق گوتیشی، به‌هۆی به‌هێزی هه‌ڵبژارده‌كان ده‌رفه‌تی به‌ده‌ستهێنانی نازناوه‌كه بۆ ئێمه قورسه، به‌ڵام هه‌وڵده‌ده‌ین ئه‌گه‌ر نازناوه‌كه‌ش به‌ده‌ست نه‌هێنین بتوانین دووه‌م یان سێیه‌می پاڵه‌وانه‌تیه‌كه بین.
هه‌ڵبژارده‌ی خانمانی عێراق لە 20 ئەم مانگە یەکەم یاریی بەرامبەر خانمانی فه‌ڵه‌ستین له كاتژمێر 08:00 شه‌و ئه‌نجام ده‌دات و له كۆی 23 یاریزان 13 یاریزانی كورد له ریزی هه‌ڵبژارده‌كه یاریی ده‌كه‌ن.
