یاریگا –
رۆبێرت لیڤاندۆڤسكی، هێرشبەری پۆڵەندی یانەی بارسێلۆنای ئیسپانی ژمارەیەكی نایابی لەگەڵ یانەكەی تۆماركرد.
شەوی رابردوو سێلتا ڤیگۆ لە یاریگای بالایدۆسی تایبەت بە خۆی میوانداری بارسێلۆنای كرد و یارییەكەش بە ئەنجامی دوو گۆڵ بەرامبەر گۆڵێك لە بەرژەوەندی یانەی میوان كۆتایی هات.
هەردوو گۆڵەكەی بارسێلۆنا لەلایەن لیڤاندۆڤسكی لە خولەكەكانی 45 و 97 تۆمار كران.
— FC Barcelona (@FCBarcelona_cat) February 17, 2024
لە گواستنەوەكانی هاوینی ساڵی 2022 رۆبێرت لیڤاندۆڤسكی بە بڕی 45 ملیۆن یۆرۆ پەیوەندی بە ریزەكانی بارسێلۆناوە كرد.
بە كردنی ئەو دوو گۆڵە بەرامبەر سێلتا ڤیگۆ لیڤاندۆڤسكی كۆی گۆڵەكانی بە درێسی یانە كەتەلۆنییەكەوە لە سەرجەم پاڵەوانیەتیەكاندا بۆ 50 گۆڵ بەرز كردەوە.
هەروەها لیڤاندۆڤسكی بوو بە سێیەم خێراترین یاریزانی مێژووی بارسێلۆنا بەكەمترین یاری بگاتە گۆڵی ژمارە 50.
5️⃣0️⃣ gols de blaugrana! 💙❤️ pic.twitter.com/nhHH6Vs5Xl
— FC Barcelona (@FCBarcelona_cat) February 17, 2024
هەروەها گۆڵكارە پۆڵەندییەكە لە مێژووی یانە كەتەلۆنییەكەدا ناوی خۆی بە زێڕ نووسیەوە، كاتێك بوو بە خاوەنی گۆڵی ژمارە 11 هەزار لە مێژووی یانەكەدا.
بارسێلۆنا بە كۆكردنەوەی 54 خاڵ لە ریزبەندی سێیەمی لالیگا دێت و بە جیاوازی حەوت خاڵ لە دوای ریال مەدریدی پێشەنگەوە دێت.
