یاریگا –
پێدری گۆنزالێز، ئەستێرەی ئیسپانی یانەی بارسێلۆنا سەرەڕای بردنەوەیان بەرامبەر سێلتا ڤیگۆ رەخنە لە ئاستی یانەكەی دەگرێت.
شەوی رابردوو سێلتا ڤیگۆ لە یاریگای بالایدۆسی تایبەت بە خۆی میوانداری بارسێلۆنای كرد و یارییەكەش بە ئەنجامی دوو گۆڵ بەرامبەر گۆڵێك لە بەرژەوەندی یانەی میوان كۆتایی هات.
هەردوو گۆڵەكەی بارسێلۆنا لەلایەن لیڤاندۆڤسكی لە خولەكەكانی 45 و 97 تۆمار كران.
Et presentem la galeria @WhiteBit de la victòria! ✌️📸 pic.twitter.com/heVRbnmNBN
— FC Barcelona (@FCBarcelona_cat) February 18, 2024
لە دوای یارییەكە پێدری گوتی:
دەبێت رەخنە لە خۆمان بگرین، یارییەكی باش نەبوو بۆ ئیمە، ئێمە بە خەوتووی چووینە یاریگا، دەبێت زۆر باشتر بین و بەرەو پێشەوە بچین.
تەنیا شتێك ركابەرەكانمان دەیكەین پاشەكشەكردنە لە پلانی 4-4-2 هەروەها بەرگریكردن بەرامبەر ئێمە زۆر ئاسانە.
متمانەیەكی زۆرم بەم تیپە هەیە، ئەگەر یەكگرتوو بین و ئەوەی پێوویستە بیكەین، ئەوا دەتوانین شتێك بەدەستبهێنین.
وا بڕیارە رۆژی چوارشەممەی داهاتوو ناپۆلی لە یاریگای مارادۆنا میوانداری بارسێلۆنا بكات، لە میانی یاری چوونی قۆناخی شازدەی خولی یانە پاڵەوانەكانی ئەوروپا.
