یاریگا –
لێدوانەكانی چاڤی هێرناندێزی ئیسپانی و راهێنەری یانەی بارسێلۆنا دوای بردنەوە سەختەكەیان بەرامبەر سێلتا ڤیگۆ.
شەوی رابردوو سێلتا ڤیگۆ لە یاریگای بالایدۆسی تایبەت بە خۆی میوانداری بارسێلۆنای كرد و یارییەكەش بە ئەنجامی دوو گۆڵ بەرامبەر گۆڵێك لە بەرژەوەندی یانەی میوان كۆتایی هات.
هەردوو گۆڵەكەی بارسێلۆنا لەلایەن لیڤاندۆڤسكی لە خولەكەكانی 45 و 97 تۆمار كران.
— FC Barcelona (@FCBarcelona_cat) February 17, 2024
لە كۆنگرەی رۆژنامەوانی دوای یارییەكە چاڤی هێرناندێز گوتی:
هەستدەكەم یارییەكی باشمان كرد، بەڵام لە سێ بەشی كۆتایی یارییەكەدا باش نەبووین، دڵخۆشم بە بردنەوەمان لەو یاریگا سەختەدا.
دڵخۆشم بە كاردانەوەكان، هەر لەبەر ئەمە بڕیاری رۆیشتنم راگەیاند، لە دوای بڕیاری وازهێنانم لە كۆی 12 خاڵ 10 خاڵمان كۆكردووەتەوە.
دەربارەی بە گۆڵی یەكسان بوونی سێلتا ڤیگۆ گوتی:
هەڵەبووین لە چاودێریكردندا، ئەوان كوالێتییەكی باشیان هەبوو، بەرگرییەكی باشمان كرد، شەرمەزاری بوو یارییەكە بە ئەنجامی گۆڵێك بۆ هەردوولا كۆتایی بێت، لە دوای یەكسان كردنەوەی ئەنجامەكە دیوارێكیان بۆ ئێمە درووستكرد، بەڵام ئێمە یارییەكی باشمانكرد و هەنگاوێكمان بەرەو پێشەوە نا.
سەبارەت بە رۆبێرت لیڤاندۆڤسكی گوتی:
دەبێت بیر لە چامپیۆنزلیگ بكەینەوە، ئێستا پۆڵەندییەكەمان زۆر سەرنج دەدات، یەكگرتووی یاریزانەكان سەرسوڕهێنەرە، ئەوەی لە دەرەوەی یاریگا دەگوترێت شتێكی ترە، بەڵام پابەندبوونی ژووری جلگۆڕین شتێكی ترە.
دەربارەی پێكانەكان گوتی:
هیچ پێكانێك نییە، تیپەكە باشە، گۆڕانكاریپێكردنی ئاراوخۆ خۆ پارێزی بوو، ئەمڕۆ هیچ پێكانێك نییە، سێ خاڵی یارییەكەمان بەدەستهێنا و بیر لە یارییەكەی ناپۆلی دەكەینەوە.
لماذا أعاد ليفاندوفسكي تنفيذ ركلة الجزاء مرة ثانية؟#الدوري_الاسباني #برشلونة pic.twitter.com/7pnXbJiEfu
— beIN SPORTS (@beINSPORTS) February 17, 2024
بارسێلۆنا بە كۆكردنەوەی 54 خاڵ لە ریزبەندی سێیەمی لالیگا دێت و بە جیاوازی حەوت خاڵ لە دوای ریال مەدریدی پێشەنگەوە دێت.
