باڤارییەکان گورزێکی کوشندەیان بەرکەوت
یاریگا –
بەهۆی پێکان، ساشا بۆی بۆ ماوەی نزیکەی مانگێک لە یاریکردن دادەبڕێت.
ماڵپەڕی فەرمی بایرن میونشن بڵاویکردووەتەوە، پاش پشکنینە پزیشکییەکان دەرکەوت ساشا بۆی لە ماسولکەی رانی چەپی تووشی پێکان بووە و بۆ چەند هەفتەیەک لە یاریکردن دادەبڕێت.
ℹ️ FC Bayern will be without Sacha Boey for the coming weeks due to a hamstring injury.
Wishing you a speedy recovery, Sacha!
— FC Bayern Munich (@FCBayernEN) February 16, 2024
بەپێی زانیارییەکانی رۆژنامەی بیڵد، ماوەی دوورکەوتنەوەی بەرگریکارەکانی بایرن نزیکەی 4 هەفتە دەخایەنێت، بەمەش لە کاتێکی هەستیاردا گورزێکی کوشندە بەر یانە ئەڵمانییەکە دەکەوێت.
هەر بەو هۆیە ساشا لە 6 یاری داهاتووی یانەکەی بێبەش دەبێت، 5 یاری لە بۆندسلیگا و یاری گەڕانەوەی قۆناخی شازدەی چامپیۆنزلیگیش لەدەست دەدات.
بەرگریکارە فەڕەنسییەکە لە مێرکاتۆی زستانە بە بڕی 30 ملیۆن یۆرۆ لە گالاتاسەڕای تورکییەوە پەیوەندی بە بایرن میونشن کرد و گرێبەستێکی 4 وەرزەی لەگەڵ یانە ئەڵمانییەکە واژۆ کردووە.
Sacha Boey is expected to be sidelined for around 4 weeks [@BILD] pic.twitter.com/qT1cTdERYI
— Bayern & Germany (@iMiaSanMia) February 16, 2024
