یاریگا –
لاوتارۆ مارتینێز، ئەستێرەی ئەرجەنتینی یانەی ئینتەر میلانی ئیتاڵی بەردەوامە لە شكاندنی ژمارە پێوانەییەكان لەگەڵ یانەكەی.
شەوی رابردوو ئینتەر میلان لە یاریگای جیۆزێپی میازای تایبەت بە خۆی میوانداری سالێرنیتانای كرد و یارییەكەشی بە چوار گۆڵی بێ وەڵام لێ بردەوە، لە میانی یارییەكانی هەفتەی 25ی سێریا ئەی ئیتاڵیا.
Indovinate chi ha conquistato 3️⃣ punti 😎
Powered by @enelgroupit #ForzaInter #InterSalernitana pic.twitter.com/R2VxuM0pLh
— Inter (@Inter) February 16, 2024
گۆڵەكانی ئینتەر لەلایەن ماركۆس تورام لە خولەكی 17 لاوتارۆ مارتینێز لە خولەكی 19 دێنزێل دەمفرایس لە خولەكی 40 و ماركۆ ئارناتۆڤیچ لە خولەكی 90 تۆمار كران.
لاوتارۆ مارتینێز بەردەوامە لە شكاندنی ژمارە پێوانەییەكان:
بە كردنی ئەو گۆڵە لاوتارۆ مارتینێز بوو بە یەكەم یاریزانی ئەرجەنتینی زۆرترین گۆڵ بۆ ئینتەر میلان بكات بە 125 گۆڵ و پێش ماورۆ ئیكاردی كەوت كە خاوەنی 124 گۆڵ بوو.
هەروەها لاوتارۆ بوو بە حەوتەم گۆڵكاری مێژووی ئینتەر میلان بە كردنی 125 گۆڵ.
هەروەها هێرشبەرە ئەرجەنتینیەكە بوو بە یەكەم یاریزان سێ وەرز لە دوای یەك بتوانێت زیاتر لە 20 گۆڵ بكات لە دوای وەرزی 1951/52.
ئینتەر میلان بە كۆكردنەوەی 63 خاڵ پێشەنگی ریزبەندی سێریا ئەی گرتووە و بە جیاوازی 10 خاڵ لە پێش یوڤێنتوسی دووەمەوە دێت.
