سێ یانەی پرێمەرلیگ دەیانەوێت یاریزانێکی لاوی کورد بگوازنەوە
یاریگا –
یاریزانێکی لاوی کورد لە ئینگلتەرا سەرنجی یانە گەورەکانی پرێمەرلیگی راکێشاوە و فیدراسیۆنی تۆپی پێی عێراقیش دەیەوێت بە زووترین کات بانگهێشتی هەڵبژاردەی لاوانی بکات.
بۆتان ئەمین (لەدایکبووی 24ـی ئەپرێلی 2007) دوو مانگی دیکە تەمەنی دەبێتە 17 ساڵ، لە تیپی خوار 18 ساڵانی سویندن تاونی ئینگلیزی یاریی دەکات، ئەم وەرزە لە جامی لاوانی یەکێتیی ئینگلتەرا هەمووانی سەرسام کردووە، لەگەڵ سویندن تاون لە سێ یاری سێ گۆڵی کردووە.
بۆتان لە قۆناخی سێێەم بەرامبەر لوتن تاون یاریی کرد، دواتر لە قۆناخی چوارەم بەرامبەر مانچێستەر یونایتد هەردوو گۆڵی یارییەکەی کرد و ئەو دووانەیە بووە هۆی ئەوەی سەرنجی هەموو ئینگلتەرا رابکێشێت، لە قۆناخی پێنجەم ئەو کوڕە کوردە رۆڵی یەکلاکەرەوەی لە بردنەوەی سویندن هەبوو کاتێک 2-1 لە سەندەرلاندیان بردەوە، بۆتان گۆڵی سەرکەوتنی لە یارییەکە کرد.
📸 @academystfc Forward, Botan Ameen in training with the first-team this afternoon. pic.twitter.com/X9tk7UJShW
— Swindon Town Football Club (@Official_STFC) January 19, 2024
بۆتان ئەمین دوای گۆڵەکانی لە جامی لاوانی یەکێتیی ئینگلتەرا، لەلایەن راهێنەرەوە بانگهێشتی تیپی یەکەمی سویندن تاون کرد و لەگەڵ تیپی یەکەم دەستی بە راهێنان کرد، بەگوێرەی سەرچاوەی میدیاکان هەریەکە لە مانچێستەر یونایتد، ئاستۆن ڤیلا و وێستهام دەیانەوێت بۆتان بگوازنەوە ریزەکانیان.
BOTANNNNNNNNNNNNNNNNNNN! pic.twitter.com/zu4ZkWGR4g
— Swindon Town Football Club Academy (@academystfc) February 13, 2024
بۆتان ئەمین شەوی رابردوو لە پرێمەرلیگی خوار 18 ساڵان لە یاریی بەرامبەر بریتۆل رۆڤەرز دوای هاتنە ناوەوەی گۆڵی سەرکەوتنی بۆ یانەکەی کرد و هاندەرانی یاریگای تووشی سەرسوڕمان کرد.
یاریزانە لاوەکەی سویندن لەلایەن عیماد محەمەد راهێنەری لاوانی هەڵبژاردەی عێراقەوە گرنگی پێدەدرێت و راهێنەری لاوانی عێراق دەیەوێت بانگهێشتی هەڵبژاردەکەی بکات.
