یاریگا –
راپۆرتە رۆژنامەوانیەكانی ئیسپانیا سوپرایزێكی گەورەیان سەبارەت بە داهاتووی فرێنكی دی یۆنگی هۆڵەندی و ئەستێرەی یانەی بارسێلۆنای ئیسپانی ئاشكرا كرد.
گرێبەستەكەی فرێنكی دی یۆنگ لەگەڵ بارسێلۆنا لە هاوینی ساڵی 2026 بەسەردەچێت.
G⚽L DEL DIA
🔙 #OTD 5 anys de l'anunci del fitxatge de Frenkie de Jong pic.twitter.com/3W7U8ocsAS— FC Barcelona (@FCBarcelona_cat) January 23, 2024
بەپێی زانیارییەكانی رۆژنامەی سپۆرت یانە گەورەكانی ئەوروپا كێبڕكێ لەسەر بەدەستهێنانی تواناكانی فرێنكی دی یۆنگ دەكەن.
هەمان سەرچاوە ئاشكرایكردووە، هەریەك لە یانەكانی چێڵسی، مانچێستەر یونایتد و پاریس سانجێرمان دەیانەوێت لە گواستنەوەكانی هاوینی داهاتوودا دی یۆنگ بگوازنەوە ریزەكانیان.
بەپێی زانیارییەكانی هەمان سەرچاوە، ناوەڕاستكارە هۆڵەندیەكە دەیەوێت لە گواستنەوەكانی داهاتوودا بارسێلۆنا جێبهێڵێت، ئەگەر ئۆفەرێكی گونجاو بگاتە دەستی.
لە راپۆرتەكەی سپۆرتدا هاتووە، چێڵسی ئامادەیە بەهای 100 ملیۆن یۆرۆ پێشكەش بە بارسێلۆنا بكات لە پێناو بەدەستهێنانی واژۆی فرێنكی دی یۆنگ.
🚨🎖️| JUST IN: Barcelona sent Frenkie de Jong an offer to renew his contract until 2029 already three months ago, but the player has not yet responded. [@ffpolo] #fcblive pic.twitter.com/GYHap75YOn
— BarçaTimes (@BarcaTimes) February 9, 2024
لەلایەكی دیكەوە رۆژنامەی مۆندۆ دیپۆرتیڤۆ ئاشكرایكرد، بارسێلۆنا ئۆفەرێكی بۆ نوێكردنەوەی گرێبەستەكەی تا ساڵی 2029 پێشكەش بە دی یۆنگ كردووە، بەڵام تا ئێستا یاریزانەكە وەڵامی نەداوەتەوە.
لەم وەرزەی لالیگادا دی یۆنگ بەشداری لە 15 یاریدا كردووە و توانیویەتی یەك گۆڵ بكات.
