دوا زانیاری؛ ئۆسیمین بۆ یاری ئەمشەو ئامادەیە
ئەستێرەکەی ناپۆلی چاکبووەتەوە و ئامادەیە
یاریگا –
ڤیکتۆر ئۆسیمین بۆ یاری ئەمشەوی هەڵبژاردەی نایجێریا لە قۆناخی پێشکۆتایی جامی ئەفریقا ئامادەیە.
بڕیارە ئەمشەو کاتژمێر 20:00 بە کاتی هەولێر، هەڵبژاردەی نایجێریا رووبەڕووی هەڵبژاردەی ئەفریقای باشوور ببێتەوە. تاوەکو درەنگانێکی شەوی رابردوو، گومان لە بەشداریکردنی ئۆسیمین لە یارییەکەدا دەکرا، چونکە ئەستێرەی ناپۆلی ئازاری لە سکیدا هەبوو.
دوێنێ سێشەممە، ئۆسیمین بەشداری لە مەشقەکاندا کرد و لە پێکهاتەی سەرەکی هەڵۆکانی ئەفریقادا دەبێت.
شەوی رابردوو شاندی هەڵبژاردەی نایجێریا گەیشتە شاری بواکێ، بەڵام ئۆسیمین لەگەڵ شاندەکە گەشتی نەکرد، بەڵکو لەگەڵ ستافێکی پزیشکی، خەریکی وەرگرتنی چارەسەر بوو و دواتر بە تەنیا گەشتی کرد.
*Super Eagles Camp Update*
Victor Osimhen has been declared fit and available for selection in the semi-final clash against South Africa on Wednesday. He has joined the team in Bouaké and has trained with the squad today.#SoarSuperEagles #letsdoitagain pic.twitter.com/3LfnAWz1zM— 🇳🇬 Super Eagles (@NGSuperEagles) February 6, 2024
ئۆسیمین بەشداری لە هەر پێنج یاری رابردووی نایجێریا کردووە و تەنیا گۆڵێکی لە قۆناخی کۆمەڵەکان لە بەرامبەر هەڵبژاردەی گینیای کەمەری کردووە.
براوەی یارییەکە لە یاری کۆتایی بەرامبەر براوەی یاری نێوان کۆتدیڤوار و کۆنگۆی دیموکرات یاری دەکات.
نایجێریا دەیەوێت چوارەم نازناو بباتەوە، پێشتر لە ساڵانی 1980, 1994 و 2013 نازناوەکەی بردووەتەوە.
