یاریگا –
راپۆرتە رۆژنامەوانیەكان ئاشكرایانكرد راهێنەرێكی نوێ پاڵێوراوە بۆ شوێنگرتنەوەی چاڤی هێرناندێزی ئیسپانی و راهێنەری یانەی بارسێلۆنا.
لە ماوەی چەند رۆژی رابردوودا چاڤی هێرناندێز رایگەیاند كە وا لە كۆتایی وەرزدا ریزەكانی بارسێلۆنا جێدەهێڵێت.
لە نۆڤێمبەری 2021 چاڤی پۆستی راهێنەرایەتیكردنی یانە كەتەلۆنییەكەی وەرگرت و توانی نازناوەكانی لالیگا و سوپەری ئیسپانیا بباتەوە.
🚨🇮🇹 Antonio Conte s'est offert au FC Barcelone, mais l'italien ne correspond pas à la philosophie de jeu @sport pic.twitter.com/CCAp83HBp2
— 𝑷𝒂𝒖𝒍 𝑭𝑪𝑩 📰 (@FCBPaul_) February 6, 2024
بەپێی زانیارییەكانی رۆژنامەی سپۆرت ناوی ئانتۆنیۆ كۆنتی راهێنەری ئیتاڵی و راهێنەری پێشووی یانەكانی تۆتنهام ، ئینتەر میلان و چێڵسی ناوی لە نێو لیستی راهێنەرە پاڵێوراوەكاندایە بۆ شوێنگرتنەوەی چاڤی هێرناندێز، تەنانەت ئەگەر شێوازی یاریكردنی راهێنەرەكە لەگەڵ بارسێلۆناشدا رێك نەكەوێت.
كۆنتی لەو كاتەی پۆستی راهێنەرایەتیكردنی تۆتنهامی جێهێشتووە راهێنەرایەتی هیچ یانەیەكی دیكەی نەكردووە.
یانە كەتەلۆنییەكە بە كۆكردنەوەی 50 خاڵ لە ریزبەندی سێیەمی لالیگا دێت و بە جیاوازی هەشت خاڵ لە دوای مەدریدی پێشەنگەوە دێت.
