یاریگا –
بەهۆی یاریی نەکردنی مێسی لە یارییە دۆستانەکەی هۆنگ کۆنگ، حکومەت هاتووەتە سەر هێڵ و داوا لەو کۆمپانیایە دەکات یارییەکەی رێکخستووە قەرەبووی هاندەران بکاتەوە.
رۆژنامەی China Daily reports ئاشکرایکردووە، وەزیری رۆشنبیری و وەرزش لە هۆنگ کۆنگ رەخنەی توندی لە کۆمپانیای تاتلەر ئاسیا گرتووە و بەوە تۆمەتباری کردووە، هیچ رێزێکی لە هەست و نەستی هاندەران نەگرتووە و پێویستە قەرەبوویان بکاتەوە.
وەزیرەکەی حکومەتی هۆنگ کۆنگ ئاشکرایکردووە، بەگوێرەی بەندێکی گرێبەستەکەی یارییە دۆستانەکە، دەبووایە مێسی بەلایەنی کەمەوە لە نیوەی یارییەکە زیاتر بەشداریی بکات، دوای کۆتایی هاتنی یارییەکە داوامان کرد بۆ رازیکردنی دڵی هاندەران بەلایەنی کەم، مێسی هەندێک قسەیان بۆ بکات، یان وەکو کاپتنی یانەکەی ئەو جام و خەڵاتەکان وەربگرێت، بەڵام سەرجەم ئەم پێشنیازانە رەتکرانەوە.
نرخی بلیتی یارییەکەی ئەستێرەکانی هۆنگ کۆنگ و ئینتەر مەیامی لە 880 دۆلار دەستیپێدەکرد تاوەکو چوار هەزار و 880 دۆلار (دە وەرەقە تا پەنجا وەرەقە بە زمانی میللی)، تەنانەت ئامادەبوون لە راهێنانەکانی مێسی و هاوڕێیەکانیشی بە بلیت بوو، نرخی هەر بلیتێک لە نێوان 580 دۆلار بۆ 780 دۆلار دەبوو.
لەبەر ئەوەی مێسی بەشداریی یارییەکەی نەکرد، هاندەران داوای پارەی بلیتی یارییەکە دەکەن و داوا لە حکومەت دەکەن بێتە سەر هێڵ و مافەکەیان بۆ بگەڕێنێتەوە.
