فابریزیۆ رۆمانۆ دەنگۆیەک لەبارەی ئێمباپێ بەدرۆ دەخاتەوە
یاریگا –
فابریزیۆ رۆمانۆ رۆژنامەنووسی بەناوبانگی ئیتاڵی دەنگۆیەک لەبارەی ئێمباپێ بەدرۆ دەخاتەوە و نوێترین زانیارییەکان لەبارەی گفتوگۆی نێوان ریال مەدرید و ئێمباپێ دەدرکێنێت.
فابریزیۆ رۆمانۆ لە وتارێکی لە ماڵپەڕی CaughtOffsideـی بەریتانی نووسیویەتی :’رێگام پێبدەن با روونکردنەوەیەکتان پێبدەم، من هەرگیز نەمگوتووە رۆژی 14ـی فێبرایەر کیلیان ئێمباپێ چارەنووسی خۆی ئاشکرا دەکات و داهاتووی خۆی رادەگەیەنێت، من نازانم ئەم زانیارییە لەکوێوە هاتووە، بەهەرحاڵ گفتوگۆیەکان و پەیوەندییەکان لە ریال مەدرید بەردەوامن، بۆ ئەوەی گرێبەستەکە یەکلا بکەنەوە’.
🚨 EXCLUSIVE 🚨
🇫🇷 Kylian Mbappe to Real Madrid – "constant contacts" but NOT true that there's a February 14th deadline
💥 FREE monthly subscription to @FabrizioRomano's Daily Briefing (know everything, cancel anytime)! https://t.co/7sbOWpcKDV
Full story 👇👇
— CaughtOffside (@caughtoffside) February 4, 2024
هەروەها رۆژنامەنووسە ئیتاڵییەکە رایگەیاندووە :’تاوەکو ئێستا ئێمباپێ لەبارەی داهاتووی خۆی هیچ شتێکی بە پاریس سانجێرمان نەگوتووە، ریال مەدرید و ئێمباپێ لەگفتوگۆدان و لەبارەی نرخی گرێبەستەکە و مووچە قسە دەکەن و بەردەوام لە پەیوەندیدان، پاریس سانجێرمانیش چاوەڕێ دەکات و تاوەکو دوایین ساتەکان هیوابڕاو نابێت’.
زۆربەی میدیاکانی ئەوروپا و جیهان لە چەند کاتژمیری رابردوو رایانگەیاندووە، کیلیان ئێمباپێ بڕیاری خۆی داوە و هاوینی داهاتوو دەبێتە یاریزانی ریال مەدرید.
