یاریگا –
یانەی ریال مەدریدی ئیسپانی بڕیاری كۆتایی خۆی سەبارەت بە گۆڵپارێزی یانەكەی كێپای دا.
لە گواستنەوەكانی هاوینەدا و لە دوای پێكانی تێبۆ كۆرتوا ریال مەدرید بەشێوەی خواستن كێپای لە ریزەكانی چێڵسی گواستەوە و ماوەی خواستنەكەی لە كۆتایی وەرزدا بەسەردەچێت.
🚨 BREAKING: Kepa will NOT stay at Real Madrid. Courtois and Lunin are the goalkeepers for next season. @relevo pic.twitter.com/hzvpPuFs0F
— Madrid Xtra (@MadridXtra) February 3, 2024
بەپێی زانیاریەكانی تۆڕی رێلیڤۆ، یانەی ریال مەدرید بڕیاری كۆتایی خۆی داوە و لە كۆتایی وەرزدا و لە دوای كۆتاییهاتنی ماوەی خواستنەكەی كێپا دەگەڕێنێتەوە بۆ چێڵسی.
لە راپۆرتەكەشدا هاتووە، یانە شاهانەكە هیچ پلانێكیان بۆ هێشتنەوەی گۆڵپارێزەكەی بلووز نیە و نایانەوێت ماوەی خواستنەكەی درێژ بكەنەوە و لە دوای كۆتاییهاتنی وەرز دەگەڕێتەوە یانەكەی خۆی.
ریال مەدرید بەهۆی گەڕانەوەی تێبۆ كۆرتوا و پێشكەشكردنی ئاستێكی بەرز لەلایەن ئاندری لونین پێی وایە كە پێوویستی بە هیچ گۆڵپارێزێكی دیكە نیە.
لەم وەرزەی لالیگا كێپا بەشداری لە 12 یاریدا كردووە و شەش یاری تۆڕی گۆڵەكەی بە خاوێنی هێشتووەتەوە و 26 لێدانی گەڕاندووەتەوە.
