ئەڵقەی کۆتایی زنجیرە دراما درێژەکە؛ هەفتەی داهاتوو بەفەرمی ئێمباپێ دەبێتە یاریزانی ریال مەدرید
یاریگا –
وادیارە گەیشتینە ئەڵقەی کۆتایی زنجیرە دراما دوور و درێژەکە، هەفتەی داهاتوو کیلیان ئێمباپێ دەبێتە یاریزانی ریال مەدرید و هاوینی داهاتوو درێسی لۆس بلانکۆس دەپۆشێت.
کەناڵی ESPN ئاشکرایکردووە، کیلیان ئێمباپێ بڕیاری کۆتایی داوە و هاوینی داهاتوو درێسی یانەی ریال مەدریدی ئیسپانی دەپۆشێت، بە گرێبەستێکی ئازاد و بەخۆڕایی ریزەکانی پاریس سانجێرمان بەجێدەهێڵێت.
BREAKING: Kylian Mbappe has decided to join Real Madrid once his contract with PSG expires this summer, sources confirmed to ESPN. pic.twitter.com/CvmN5Zs5eL
— ESPN FC (@ESPNFC) February 3, 2024
جولیێن لاورێنس، رۆژنامەنووسی کەناڵی ESPN ئاشکرایکردووە، کیلیان ئێمباپێ لە ریال مەدرید نیوەی ئەو مووچەیە وەردەگرێت کە ئێستا لە پاریس سانجێرمانی فەرەنسی وەریدەگرێت. رۆژنامەنووسە بەریتانییەکە ئاشکرایکردووە هەفتەی داهاتوو هێرشبەرە فەرەنسییەکە بڕیارەکەی ئاشکرا دەکات.
پێشتر رۆژنامەی مارکای ئیسپانی ئاشکرایکردبوو، لەسەر داوای پاریس بۆ ئەوەی کاریگەری خراپ لەسەر دۆخی یانەکە و داهاتی مافی پەخشی خولی فەرەنسی دروست نەکات، ئێمباپێ لە ماوەی گواستنەوەی زستانەی یاریزانان مانگی رابردوو هیچ قسەیەکی لەبارەی داهاتووی خۆی نەکرد.
Kylian Mbappé has decided to leave PSG to join Real Madrid!! Information first revealed by @le_Parisien earlier today and now confirmed. Story here: https://t.co/sSILuwx75K @ESPNFC
— Julien Laurens (@LaurensJulien) February 3, 2024
بەگوێرەی سەرچاوەکانی کەناڵی ESPN لە ئێستاوە پاریس سانجێرمان ئامادەکاریی بۆ شوێنگرەوەی ئێمباپێ دەکات و بەنیازە رافایل لیاو هێرشبەری پۆرتوگاڵی یانەی ئەیسی میلانی ئیتاڵی بباتە ریزەکانی.
هاوینی 2017 ئێمباپێ بە خواستن لە مۆناکۆوە روویکردە ریزەکانی پاریس سانجێرمان و ساڵی دواتریش بەرامبەر 180 ملیۆن یۆرۆ بووە یاریزانی یانەکەی پاریس، هاوینی رابردوو هێرشبەرە فەرەنسییەکە بەفەرمی بە فاکسێک یانەکەی لەوە ئاگادار کردەوە گرێبەستەکەی نوێ ناکاتەوە و هاوینی 2024 یانەکە بەجێدەهێڵێت.
