یاریگا –
وەین روونی، ئەستێرەی پێشووی هەڵبژاردەی ئینگلتەرا و یانەكانی ئێڤەرتن و مانچێستەر یونایتد باشترین یاریزانی هاوتیمی كە یاری لەگەڵ كردبێت ئاشكرا دەكات.
روونی لە ساڵی 2002 لەگەڵ ئێڤەرتن دەستی بە یاریكردن كرد و لە ساڵەكانی 2004 تا 2017 لەگەڵ مانچێستەر یونایتد یاری كردووە.
Rooney from range! 🎯
🔜 #MUNNOR#MUFC | #GoalOfTheDay pic.twitter.com/5E7ofZ4vMf
— Manchester United (@ManUtd) April 13, 2022
لە لێدوانێكیدا بۆ SPORTbible روونی دەربارەی باشترین یاریزان كە یاری لەگەڵ كردبێت، گوتی:
كارلۆس تێڤێز هەڵدەبژێرم، لێكتێگەیشتنمان زۆر بوو پێكەوە، زۆر بە باشی یەكترمان تەواو دەكرد و تەواوكەری یەك بووین.
بەردەوام بوو گوتیشی:
شانبەشانی ئەستێرەكانی وەك لویس ساها، ڤان نێستێلرۆی و رۆبن ڤان پێرسی یاریم دەكرد، ئەوان وەك هێرشبەری سەرە رم و منیش وەك هێرشبەرێك لە پشتیانەوە بووم.
لە كۆتاییشدا گوتی:
وەك هاوبەشێكی هێرشبەری، تێڤێز ئەو یاریزانە بووە كە زۆرترین چێژم لە یاریكردن لەگەڵیدا وەرگرتووە.
روونی لەگەڵ شەیتانە سوورەكان 559 یاری كردووە و توانیویەتی 253 گۆڵ بكات و145 گۆڵیش درووست بكات.
