یاریگا –
یانەی بارسێلۆنای ئیسپانی وردەكاری پێكانەكەی فێران تۆرێسی هێرشبەری یانەكەی ئاشكرا دەكات.
شەوی رابردوو بارسێلۆنا لە یاریگای مۆنجویكی تایبەت بە خۆی میوانداری ئۆساسونای كرد و یارییەكەشی بە ئەنجامی گۆڵێكی بێ وەڵام لێ بردەوە.
𝐒𝐄𝐌𝐏𝐑𝐄 𝐁𝐀𝐑𝐂̧𝐀 💙❤ pic.twitter.com/J2fwrjZF0N
— FC Barcelona (@FCBarcelona_cat) January 31, 2024
تاكە گۆڵی یارییەكە لەلایەن ڤیتۆر رۆكی لە خولەكی 63ی یارییەكەدا تۆماركرا و سێ خاڵی زێڕینی بەخشیە یانەكەی.
لە خولەكی 7ی یارییەكەدا فێران تۆرێس تووشی پێكان هات و بەهۆیەوە نەیتوانی یارییەكە تەواو بكات و یاریگای جێهێشت فێرمین لۆپێز جێگای گرتەوە.
𝗖𝗼𝗺𝘂𝗻𝗶𝗰𝗮𝘁 𝗺𝗲̀𝗱𝗶𝗰 ❗️
Les proves realitzades han mostrat que 𝗙𝗲𝗿𝗿𝗮𝗻 𝗧𝗼𝗿𝗿𝗲𝘀 té una lesió al bíceps femoral de la cuixa dreta. És baixa i la seva evolució en marcarà la disponibilitat. pic.twitter.com/K4kOTjlKGJ
— FC Barcelona (@FCBarcelona_cat) January 31, 2024
لە بەیاننامەیەكی فەرمیدا لە پلاتفۆرمی ئێكس بارسێلۆنا ئاشكرایكرد، فێران تۆرێس تووشی پێكان بووە لە ماسولكەی دوو بڕبڕەی رانی راستیدا.
لە بەیاننامەكەدا ماوەی دووركەوتنەوەی هێرشبەرە ئیسپانیەكە ئاشكرا نەكرا، بەڵام ئەوە دووپات كراوەتەوە كە پشكنینی زیاتری بۆ دەكرێت.
بەپێی زانیارییەكانی رۆژنامەی سپۆرت بەهۆی ئەو پێكانەوە فێران تۆرێس ماوەی مانگێك یاریگاكان دووردەكەوێتەوە.
بارسێلۆنا بە كۆكردنەوەی 47 خاڵ لە ریزبەندی چوارەمی لالیگا دێت و بە جیاوازی هەشت خاڵ لە دوای جیڕۆنای پێشەنگەوەیە.
