گۆڕانکارییەکی مێژوویی؛ لە پرێمەرلیگ رێگا بە ناوبژیوانان دەدرێت بڕیارەکانی ڤار بۆ هاندەران روونبکەنەوە

یاریگا –

لە پرێمەرلیگ لە گۆڕانکارییەکی مێژوویی رێگا بە ناوبژیوانان دەدرێت بۆ ئەوەی بڕیارەکانی ڤار بۆ هاندەران روونبکەنەوە، تاوەکو مشتومڕی هاندەران لەبارەی بڕیارەکانی ڤار کەم ببنەوە.

ماڵپەڕی دەیلی مەیلی بەریتانی ئاشکرایکردووە، ئەنجوومەنی فیدراسیۆنی نێودەوڵەتی تۆپی پێ رەزامەندیی داوە لە یارییەکانی وەرزی داهاتووەوە لە پرێمەرلیگ رێگا بە ناوبژیوانانی یارییەکان بدرێت، بۆ ئەوەی لەبارەی بڕیارەکانی ڤار روونکردنەوە بە هاندەران بدەن، بۆ ئەوەی هاندەران زیاتر لە بڕیارەکانی ڤار بگەن و کەمتر مشتومڕ لەبارەی بڕیارەکانی ڤار دروست بێت.

دوای رەزامەندیی ئەنجوومەنی فیدراسیۆنی نێودەوڵەتی تۆپی پێ، پێویستە یانەکانی پرێمەرلیگیش رەزامەندیی لەسەر ئەم بڕیارە بدەن بۆ ئەوەی لە وەرزی 2024/2025 ئەم گۆڕانکارییە نوێ کاری پێبکرێت و ناوبژیوانان بتوانن لەبارەی بڕیارەکانی ڤار روونکردنەوە بە هاندەران بدەن.