نەسر یاریزانێکی بیانی ناردە دەرەوە
یاریگا –
یانەی نەسری سعودی بە خواستن یەکێک لە یاریزانە بیانییەکانی ناردە دەرەوە، بەڵام هەر لە خولی سعودیە دەبێت و ئەگەری گەڕاندنەوەی هەیە.
یانەی ئیتیفاق کە ئەم زستانە بە ڕەزامەندی دوولایەنە لەگەڵ جۆردان هێندرسن گرێبەستی نێوانیان هەڵوەشاندەوە، لە شوێنگرەوەیەک دەگەڕا بۆ جێگەی یاریزانە ئینگلیزیە بە ئەزموونەکە بۆ نیوەی دووەمی یاریەکای خولی ڕۆشەن، بە تایبەت کە لە ئێستادا لەو خولە دۆخیان باش نییە و ڕێی بردنەوەیان لێ ون بووە, هەر بۆیە لەم ساتەدا باشترین بژاردەی بەردەمیان سیکۆ فۆفانای یاریزانی نەسر بووە.
رۆژنامەنووس بێن یاکۆبس لە پێگەی X زانیارییەکەی بڵاو کردووەتەوە کە خواستنەکە تەنها تا کۆتایی وەرزەکە دەبێت و خودی یاریزانە کۆتدیڤوارییەکە قایل بووە و، دوای کۆتایی هاتنی جامی نەتەوەکانی ئەفریقا پەیوەندی بە کوڕانی ستیڤن جێراردەوە دەکات.
Seko Fofana has joined Al-Ettifaq on-loan from Al-Nassr until the end of the season. He finally agreed, and will join once AFCON is over. Club-to-club agreement in place for almost two weeks. Fofana was Ettifaq's top priority.🇸🇦 https://t.co/P87i6IlM5N
— Ben Jacobs (@JacobsBen) January 30, 2024
هاوکات ئەم گواستنەوەیە سوودی یانەی نەسریشی تێدایە بەوەی ماوەیەکە نیازیان لە فرۆشتنی فۆفانا هەیە بۆ جێگە چۆڵ کردن بۆ هێنانی یاریزانی بیانی نوێ دوای ئەو بڕیارەی کە لە سعودیەوە دەرچوو بەوەی یانەکان دەتوانن ژمارەی یاریزانانی بیانی لە هەشت یاریزانەوە زیاتر بکەن بۆ دە یاریزان
