کاساس: ناوبژیوان سەرکەوتنەکەی لێ دزین

یاریگا –

کاساس دوای کرانە دەرەوەی عێراق لە جامی ئاسیا هێرشێکی توندی کردە سەر ناوبژیوانی یارییەکە و گوتی ‘ناوبژیوان سەرکەوتنەکەی لێ دزین’.

خیسۆس کاساس، راهێنەری ئیسپانی هەڵبژاردەی عێراق دوای ئەوەی 3-2 بە ئوردن دۆڕان، لەبارەی یارییەکە گوتی :’ئێمە لە هەموو شتێک لە ئوردن باشتر بووین تاکو ئەیمەن حوسێن بە کارتی سوور کرایە دەرەوە، سەرکەوتنەکەمان لەلایەن ناوبژیوانەوە لێ دزرا، پاڵەوانێتییە گەورەکان پێویستیان بە ناوبژیوانی گەورە هەیە’.

هەروەها گوتی :’ناوبژیوان لە ئاستی یارییەکە نەبوو، رەوتی یارییەکەی تێکدابوو، چەندان کارتی زەردی بەڕووی یاریزانان بەرزکردەوە’.

کاساس: ناوبژیوان سەرکەوتنەکەی لێ دزین، تاکو کارتە سوورەکە لە هەموو شتێک لە ئوردن باشتر بووین.

عەلیڕەزا فاگانی ناوبژیوانی ئێرانی لە خولەکی 77 دووەم کارتی زەردی بە ئەیمەن حوسێن دا و بە کارتی سوور کردیە دەرەوە، دوای ئەوەی هێرشبەرە عێراقییەکە بەبۆنەی گۆڵەکەی ئاهەنگی گێڕا.

جەلال حەسەن گۆڵپارێز و کاپتنی هەڵبژاردەی عێراقیش دوای کرانە دەرەوەیان لە جامی ئاسیا گوتی :’لە نیوەی دووەم ئێمە زۆر لە ئوردن باشتر بووین، بەڵام کرانە دەرەوەی ئەیمەن حوسێن بە کارتی سوور ئێمەی گەڕاندەوە دواوە’.