ئیڤان راکیتیچ پشکینی پزیشکی بۆ کرا
یاریگا –
ئیڤان راکیتیچ بە سەرکەوتوویی پشکینی پزیشکی بۆ کرا.
رۆژنامەنووسی ئیتاڵی فابریزیۆ رۆمانۆ بڵاویکردووەتەوە، ئیڤان راکیتیچ بە سەرکەوتوویی پشکنینی پزیشکی بۆ کرا و بوو بە یاریزانی نوێی یانەی شەبابی سعودی.
هەر بەپێی زانیارییەکانی رۆمانۆ، گرێبەستەکەی راکیتیچ لەگەڵ شەباب بۆ ماوەی وەرز و نیوێک دەبێت و تا هاوینی 2025 درێسی یانە سعودییەکە دەپۆشێت.
⚪️⚫️🇸🇦 Ivan Rakitić has completed medical tests as new Al Shabab player, he’s leaving Sevilla and moving to Saudi.
Understand contract will be valid until June 2025, one year and half.
Croatian midfielder joins Saudi Pro League, here we go — confirmed. 🇭🇷 pic.twitter.com/kn5fpiv0qX
— Fabrizio Romano (@FabrizioRomano) January 29, 2024
ئیڤان لە هاوینی 2020 بە بڕی 3.50 لە بارسێلۆناوە پەیوەندی بە سێڤییا کرد، بەڵام یانەکە لەم وەرزە بە دۆخێکی خراپدا تێدەپەڕێت، بە کۆکردنەوەی تەنیا 17 خاڵ پلەی شازدەی ریزبەندی لالیگای گرتووە و نزیکە لە ناوچەی دابەزین.
ئەستێرە کڕواتییەکە بە درێسی سێڤییا 323 یاری کردووە، 51 گۆڵی کردووە و 63 گۆڵیشی درووستکردووە، دوو نازناوی یۆرپالیگیشی لەگەڵ یانەکەی بەدەستهێناوە.
