ئێمباپێ بڕیاری خۆی داوە و پلانەكانی لەگەڵ ریال مەدرید ناگۆڕێت
یاریگا –
راپۆرتە رۆژنامەوانیەكانی ئیسپانیا، پێشهاتی نوێیان سەبارەت بە داهاتووی كیلیان ئێمباپێی فەڕەنسی و ئەستێرەی یانەی پاریس سانجێرمانی هەمان وڵات ئاشكرا كرد.
گرێبەستەكەی كیلیان ئێمباپێ لەگەڵ پاریس سانجێرمان لە هاوینی ئەمساڵدا بەسەردەچێت.
Kylian Mbappé devient le meilleur buteur de l'histoire du Paris Saint-Germain#𝐊EEP𝐌AKINGHIS𝟕ORY
— Paris Saint-Germain (@PSG_inside) March 4, 2023
بەپێی زانیاریەكانی ماركا، بێگومان ئێمباپێ رێككەوتنی لەگەڵ ریال مەدرید هەیە بۆ ئەوەی لە كۆتایی وەرزدا پەیوەندی بەو یانەیەوە بكات.
ئاماژە بەوەشكراوە، خێزانی ئێمباپێ هەوڵیانداوە ئۆفەرێكی دارایی زیاتر لەوە بەدەستبهێنن كە لەگەڵ ریال مەدرید لەسەری رێككەوتوون.
لە راپۆرتەكەشدا هاتووە، بەڵام هەر زوو گۆڵكارە فەڕەنسیەكە ئەو پێشنیارەی رەتكردووەتەوە و لەسەر رێككەوتنەكەی لەگەڵ فلۆرێنتینۆ پێرێز ماوەتەوە.
لەم وەرزەی لیگ وەندا كیلیان ئێمباپێ 18 یاری كردووە و توانیویەتی 19 گۆڵ بكات و سێ گۆڵیش درووست بكات.
