یاریگا –
هەڵگورد قەیس بووە یەکەم یاریزان لەم وەرزەی خولی نایابی کوردستان هاتریک بکات و لەلایەن تۆڕی وەرزشی یاریگا بە ئەستێرەی گەڕی شازدەمی خولەکە دەستنیشانکرا.
هەڵگورد قەیس کە 23 رۆژ لەمەوبەر تەمەنی بووە 19 ساڵ و یەکێکە لە بچووکترین یاریزانانی ئەم وەرزەی خولی نایابی کوردستان، لە یاریی پێشمەرگەی هەولێر و هەندرێن هاتریکی بۆ یانەکەی کرد، بووە یەکەم یاریزانی خولەکە لەم وەرزە بتوانێت هاتریک بکات، پێشمەرگە بە هاتریکەکەی هەڵگورد 3-1 لە هەندرێنی بردەوە.
هەڵگورد قەیس کە لەم وەرزە پێش گەڕی شازدەم هیچ گۆڵێکی نەکردبوو، لەلایەن تۆڕی وەرزشی یاریگا بە ئەستێرەی هەفتەی خولەکە هەڵبژێردرا، یاریگا هەفتانە باشترین یاریزانی هەر گەڕێکی خولەکە هەڵدەبژێرێت.
یاریزانە لاوەکەی پێشمەرگەی هەولێر 03/01/2005 لەدایکبووە، لەم وەرزە بەشداریی هەر 16 یارییەکەی خولی نایسبی کوردستانی کردووە، بەڵام تەنیا لە حەفت یاریی سەرەکی بووە.
