بە فەرمی کاڵڤن فێلیپس پەیوەندی بە وێستهام کرد
یاریگا –
کاڵڤن فێلیپسی ناوەڕاستکاری پێشووی مانچێستەر سیتی، پەیوەندی بە وێستهام کرد.
کەمێک لەمەوبەر وێستهام یونایتد بەشێوەیەکی فەرمی راگەیاند، گرێبەستیان لەگەڵ کاڵڤن فێلیپسی یاریزانی پێشووی مانچێستەر واژۆ کردووە و کاڵڤن پەیوەندی بە هامەرز کردووە.
گرێبەستەکەی کاڵڤن لەگەڵ وێستهام بەشێوەی خواستنە تا کۆتایی ئەم وەرزە، بەڵام بژاردەی کڕینەوەی لەگەڵدایە و هامەرز دەتوانێت گرێبەستەکەی بکات بە هەمیشەیی.
West Ham United is delighted to confirm the signing of Kalvin Phillips on loan until the end of the 2023/24 season 🖊️
— West Ham United (@WestHam) January 26, 2024
بەپێی رێککەوتنەکە وێستهام تەواوی مووچەی یاریزانەکە لە ئەستۆ دەگرێت و لەمەودوا مانچێستەر سیتی هیچ مووچەیەک بە فێلیپس نادات.
کاڵڤن بە درێسی سیتیزن بەشداری 31 یاری کرد، بە شێوەیەکی گشتی تەنیا 911 خولەک یاری کرد و خاوەنی تاکە گۆڵیکە.
نازناوێکی چامپیۆنزلیگ، نازناوێکی پرێمەرلیگ، نازناوێکی جامی سوپەری ئەوروپا و نازناوێکی جامی یەکێتی ئینگڵتەڕاشی لەگەڵ بلوو موون بەدەستهێنا.
Incoming message from @KalvinPhillips 🤳 pic.twitter.com/1uKITOCNUn
— West Ham United (@WestHam) January 26, 2024
