چوار بەڵگە دەیسەلمێنن ئێمباپێ ریال مەدریدی هەڵبژاردووە
کۆتاییەکی خۆش...
یاریگا –
چیرۆکی پەیوەندیکردنی کیلیان ئێمباپێ بە ریال مەدرید، چیرۆکێکی درێژ و تاقەت پڕوکێنە، بەڵام تا ئێستا چوار بەڵگە دەیسەلمێنن دوای چیرۆکێکی درێژخایەن، کۆتاییە خۆشەکان تەنیا لە زنجیرەکانی کەی دراما نین، بەڵکو لە ژیانی راستیشدا روودەدان.
ئەستێر فەڕەنسییەکە هاوینی داهاتوو گرێبەستەکەی لەگەڵ پاریس کۆتایی دێت، دەتوانێت لەم هاوینە یانەیەکی نوێ بۆخۆی بدۆزێتەوە، چوار سەرچاوەی باوەڕپێکراویش ئاشکرایان کردووە، کیلیان مەدریدی هەڵبژاردووە.
سانتی ئۆنا، رۆژنامەنووسی باوەڕپێکراوەی رۆژنامەی فووت مێرکاتۆی فەڕەنسی، کە شارەزایە لە بازاڕی گواستنەوەی یاریزانان لە 8/1ـی ئەمساڵ بڵاویکردەوە، کە کیلیان ئێمباپی لەگەڵ ریال مەدرید رێککەوتووە و هاوینی داهاتوو پەیوەندی بە مێرێنگی دەکات.
هەواڵەکەی ئۆنا وەک بۆمبێک تەقییەوە، پۆستەکە تەنیا لە پلاتفۆڕمی ئێکس (تویتەری پێشوو) تا ئێستا زیاتر لە 12 ملیۆن بینەری هەبووە و 12 هەزار جاریش شەیر کراوە.
🚨EXCL: ⚪️🇫🇷 #Liga |
❗️ Kylian Mbappé va rejoindre le Real Madrid la saison prochaine ✍️💣
▶️ Un accord a été trouvé ces derniers jours avec l’attaquant français 🔐
Avec @sebnonda https://t.co/utOlZ1dfgD pic.twitter.com/zrohH6MIs9
— Santi Aouna (@Santi_J_FM) January 7, 2024
ماریۆ کۆرتێگانا
ماریۆ کۆرتێگانا یەکێکە لە رۆژنامەنووسە دیارەکانی رۆژنامەی زە ئاتڵێتیکی بەریتانی، جیا لەوە پەیوەندییەکی پتەوەی لەگەڵ ریال مەدرید هەیە، کۆرتێگانا رۆژێک بەر لە سانتۆ ئۆنا ئاشکرایکرد، کە کیلیان ئێمباپێ، جارێکی دیکە فلۆرێنتینۆ پێرێزی سەرۆکی یانەی ریال مەدریدی ئاگادارکردووەتەوە، کە دەیەوێت یاری بۆ یانەکە بکات.
هەر بەپێی زانیارییەکانی ماریۆ، بەهۆی کەمبوونەوەی هێزی ئابووری ریال مەدرید، سەرەڕای ئەوەی گواستنەوەی ئەو یاریزانە لە پێشینەی کارەکانیانە بەڵام یانەکە ناتوانێت هەمان ئۆفەری ساڵی 2022 پێشکەش بە یاریزانکە بکات، کیلیانیش ئەو راستییە دەزانێت. بەڵام مێرێنگی بەڵێنی با کیلیان داوە بیکات بە خاوەن زۆرترین مووچە.
▪️ Mbappe already aware of what Real Madrid will pay
▪️ Finances are lower than 2022
▪️ #RMCF‘s efforts mean he would still be club’s best-paid player by far@MarioCortegana on the terms on offer for PSG’s Kylian Mbappe to join Real Madrid— The Athletic | Football (@TheAthleticFC) January 7, 2024
عەبدوڵا بولما یەکێکە لە دیارترین رۆژنامەنووسە فەڕەنسییەکان، 10 رۆژ لەمەوبەر رایگەیاند، کیلیان ئێمباپێ بڕیاری جێهێشتنی پاریس سانجێرمانی داوە و وەرزی داهاتوو بە درێسی ئەو یانەیە یاری ناکات.
بەڵام بولما ئاماژەی بەوەشکردبوو، کە ئەستێرکەی سانجێرمان هێشتا بڕیاری نەداوە وەرزی داهاتوو یاری بۆ کام یانە دەکات.
▪️Bien qu’il n’ait pas encore officiellement communiqué sa décision à ses dirigeants, Kylian Mbappé ne devrait pas poursuivre son aventure avec le PSG la saison prochaine.
▪️Le PSG a pris de le temps d’envisager une vie avec et sans son numéro 7 et gère le dossier avec sérénité.…— Abdellah Boulma (@AbdellahBoulma) January 15, 2024
رۆژنامەی بیڵد
بیڵد یەکێکە لە دیارترین و باوەڕپێکراوترین رۆژنامەکانی ئەڵمانیا، دوێنێ چوارشەممە رۆژنامەکە بڵاویکردەوە، کە ئێمباپێ بڕیاریداوە پەیوەندی بە ریال مەدرید بکات و لەگەڵ مێرێنگی گەیشتووەتە رێککەوتن.
بۆیە بەپێی هەر چوار سەرچاوە باوەڕپێکراوەکە دەتوانین بڵێین نزیکن لە کۆتایی چیرۆکە درێژخایانەکە و لە هاوینی داهاتوو هاندەرانی ریال مەدرید ئەستێرەی خەونەکانیان بە درێسی یانەکەیان دەبینین.
