کوردستان

سەعید ئەحمەد ل شوونا سەروكێ یانەیا دهۆك دهێتە دانان

(ئاكانیوز)- د بریارەكا نەچاڤەرێكریدا سەروكێ یانەیا دهۆك ئەحمەد قاسم دەست ژ ئەكەرێ خۆ وەكو سەروكێ یانەیا دهۆك بەردا، پشتی سالەكێ ژئەكرێ خۆ وەكو سەروكێ یانەیێ، دكونگرەیەكێ رۆژنامەڤانیدا ب ئامادبوونا هژمارەكا دەزگەهێن راگەهاندێ ئەگەرێن دەست بەردانێ دیار كر.

ئەحمەد قاسم سەروكێ یانەیا دهۆك یێ بەرێ دگۆنگرەیێ رۆژنامەڤانیدا گوت، ژبەر كو ئەز سەروكێ نونەراتییا دهۆك یا لێژنەیا ئولۆمپی یا كوردستانێ مە ژبلی هندێ قوتابیێ دكتواریێ مە، من هەست كر ئەز نەشیێم وەكو پێدڤی هەموو كاران بكەم، من دیت گڤاشتنەكا مەزن یا لسەر من هەی، لەوما ئەڤ بریارە دا، سوپاسییا هەموو لایەكی كر ئەوێن هەڤكارییا وی كرین دكارێ ویدا ژوانا پارێزگەرێ دهۆكێ، كاگێڕییا یانەیێ و جەماوەرێ وەرزشی و یاریكەران.

هەروەسا ئەحمەدی گوت، جهێ شانازیێ مروڤ ئەركێ سەروكاتییا یانەیا دایك ل پارێزگەهێ دهۆكێ وەگریت، بەلێ ئەگەر مروڤ هەست بكەت كو نەشیێت ئەركێ خۆ بدروستی بكەت، دڤێت بریارێ وەرگریت، ژدل خواست كو یانەیا دهۆك بشیێت بەردەوامیێ بدەتە دەستكەڤتێن خۆ، دیسان وان پرۆژەیێن مە دسالا بوریدا دانان وەكو قۆتابخانەیێن باسكتبۆلێ و تێنسا ئەردی بەردەوامیێ پێ بدەن.

تێ زانین ل جهێ وی جێگرێ یانەیێ سەعید ئەحمەد وەكو سەروكێ بەروەخت یێ یانەیێ هاتە دانان، یانەیا دهۆك لسالا 1971ێ هاتییە دامەزراندن، شیایە لڤان سالێن بوری هژمارەكا دەسكەڤتان لسەر ئاستێ هەرێمێ و عێراقێ تۆمار بكەن.

کۆمێنتێکی نوێ دابنێ

کۆمێنتەکان

تاگ

بابەتی پەیوەندیدار

Back to top button
Close