دوا پێشهاتی گفتوگۆکانی میونشن و نیوکاسڵ لەسەر تریپیێر

یاریگا –

نیوکاسڵ یونایتد دووەم ئۆفەری بایرن میونشنی بۆ گواستنەوەی کیران تریپیێر رەتکردەوە.

ئاتلێتیک بڵاویکردووەتەوە، بایرن میونشن بە پەرۆشە بۆ گواستنەوەی تریپیێر و تاوەکو ئێستا دوو ئۆفەری پێشکەشی ئەستێرە ئینگلیزییەکە کردووە.

تۆماس توخێل، راهێنەری میونشن دەیەوێت بەرگریکارێکی باڵی راست بگوازێتەوە و تریپیێر لە سەرووی داواکارییەکانی راهێنەرە ئەڵمانییەکەیە.

ئۆفەری دووەمی میونشن بۆ نیوکاسڵ گەیشتووەتە 15 ملیۆن یۆرۆ، بەڵام ماگپایس نایەوێت دەستبەرداری کیران ببێت.

نۆردی موکیلێ، یاریزانی پاریس سانجێرمان یەکێکی دیکەیە لە ئامانجەکانی میونشن، بەڵام رەنگە بەرزی نرخەکەی رێگربێت لە سەرکەوتنی پڕۆسەی گواستنەوەکە.

تریپیێر یەکەم گرێبەستی سەردەمی سندوقی وەبەرهێنانی گشتی سعودیە بوو لەگەڵ نیوکاسڵ، ئەوکاتە بەبڕی 12 ملیۆن پاوەند لە ئاتلێتیکۆ مەدریدەوە پەیوەندی بە نیوکاسڵ کرد.

▫️ Latest on Trippier, Almiron and Reyna futures with @David_Ornstein
▫️ Phillips leaving #MCFC with @SamLee
▫️ Chelsea ease into Carabao Cup final with @liam_twomey

Here’s this morning’s big stories… 🎧👇https://t.co/4aZusA1pyi

— The Athletic | Football (@TheAthleticFC) January 24, 2024

نوسەیر مەزرووعی بە هۆی پێکان بۆ ماوەی مانگێک لە میونشن دووردەکەوێتەوە، تۆماس توخێل بۆ پڕکردنەوەی شوێنی بەرگریکاری باڵی راست، کۆنراد لایمەری بەکاردەهێنا.

تریپیێر یەکێکە لە یاریزانە سەرەکییەکانی ئێدی هاو لە کۆی 81 یاریدا 18 ئەسیست و سێ گۆڵی هەبووە.