یاریگا –
کاڵڤن فێلیپسی ناوەڕاستکاری پێشووی مانچێستەر سیتی، پەیوەندی بە وێستهام کرد.
رۆژنامەنووسی ئیتاڵی فابریزیۆ رۆمانۆ بڵاویکردووەتەوە، وێستهام یوناید گرێبەستی کاڵڤن فێلیپسی ئینگلیزی لە بەرژەوەندی خۆی یەکلایی کردووەتەوە و کاڵڤن بووە بە یاریزانێکی نوێی هامەرز.
هەر بەپێی زانیارییەکانی رۆمانۆ، گرێبەستەکەی کاڵڤن لەگەڵ وێستهام بەشێوەی خواستنە تا کۆتایی ئەم وەرزە، بەڵام بژاردەی کڕینەوەی لەگەڵدایە و هامەرز دەتوانێت گرێبەستەکەی بکات بە هەمیشەیی.
🚨⚒️ Kalvin Phillips to West Ham, here we go! Loan deal agreed with Man City and also on player side. One more from Tim Steidten.
Understand it will also include an option to buy clause in June for #WHUFC.
Medical tests booked on Wednesday.@TurkishAirlines ✈️ pic.twitter.com/zfv9UAOLXO
— Fabrizio Romano (@FabrizioRomano) January 23, 2024
بەپێی هەمان سەرچاوە، بەپێی رێککەوتنەکە وێستهام تەواوی مووچەی یاریزانەکە لە ئەستۆ دەگرێت و لەمەودوا مانچێستەر سیتی هیچ مووچەیەک بە فێلیپس نادات.
فابریزیۆ ئاماژەی بەوەش کردووە، ئەمڕۆ چوارشەممە لە شاری لەندەن پشکنینی پزیشکی بۆ یاریزانە تەمەن 28 ساڵانییەکە دەکرێت و بەشێوەیەکی فەرمی دەبێت بە یاریزانی هامەرز.
کاڵڤن بە درێسی سیتیزن بەشداری 31 یاری کرد، بە شێوەیەکی گشتی تەنیا 911 خولەک یاری کرد و خاوەنی تاکە گۆڵیکە.
نازناوێکی چامپیۆنزلیگ، نازناوێکی پرێمەرلیگ، نازناوێکی جامی سوپەری ئەوروپا و نازناوێکی جامی یەکێتی ئینگڵتەڕاشی لەگەڵ بلوو موون بەدەستهێنا.
Kalvin Phillips won a trophy for every 182 minutes he played at Man City 🏆 pic.twitter.com/2CRTY5vm9Y
— Football on TNT Sports (@footballontnt) January 23, 2024
