بازاڕی گواستنه‌وه‌سعوودیەفه‌ره‌نساگرنگترین

یانەیەکی فەرەنسی بیر لە بێنزێما دەکاتەوە

لیۆن و چێڵسی لەسەرهێڵن

Yariga App

یاریگا –

لیۆنی فەرەنسی ئامادەیە گرێبەست لەگەڵ کەریم بێنزێما بکات.

بێنزێمای تەمەن 36 ساڵان، گرێبەستێکی بۆ ماوەی سێ ساڵ لەگەڵ ئیتیحادی سعودی واژۆکردووە، دوای جێهێشتنی ریزەکانی ریال مەدرید، لە هاوینی رابردوو.

تاوەکو ئێستا ئیتیحاد هیچ ئۆفەرێکی پێنەگەیشتووە، بێنزێماش داوای چوونە دەرەوەی نەکردووە، سەرەڕای دوورکەوتنەوەی لە مەشقەکانی یانە سعودییەکە لە ماوەی رابردوودا.

لە کۆتایی مانگی رابردوودا، بێنزێما بەبێ ئەوەی رەزامەندی یانەکەی وەربگرێت، پشووی وەرگرت و تاوەکو ئێستاش نەگەڕاوەتەوە جەدە. بەرپرسانی یانە سعودییەکە دەیانەوێت، لە چەند رۆژی داهاتوودا لەگەڵ کەریم کۆببنەوە و کێشەکان باس بکەن.

سەرەڕای تۆمارکردنی 12 گۆڵ لە تەواوی پاڵەوانیەتییەکانی ئەم وەرزە، رەخنەیەکی زۆر لە بێنزێما دەگیرێت و ئەمەش وایکرد، پڕۆفایڵەکەی لە ئینستاگرام بسڕێتەوە.

ئیتیحادی پاڵەوانی وەرزی رابردوو، ئێستا لە پلەی حەوتەمی ریزبەندی خولی رۆشنی سعودیە دێت، بەر لە پشووەکانی سەری ساڵ، سێ یاری لەسەر یەک دۆڕاند و بڕیارە چواری مانگی داهاتوو، یارییەکان لە بەرامبەر یانەی فەیسەڵی لە جامی شای دستپێبکاتەوە.

لیۆن بە دۆخێکی سەختدا تێدەپەڕێت و یەکەم وەرزە گرووپی کۆمپانیاکانی ئیگڵ فووتبۆڵ، سەرپەرشتی یانەکە دەکات.

لەم وەرزەدا لیۆن دوو راهێنەری لەسەریەک دوورخستووەتەوە، سەرەتا لۆران بلان و دواتریش فابیۆ گڕۆسۆ، ئێستا سەرپەرشتیکردنی تیمەکە بە پیێر ساگا دراوە.

لیۆن لە پلەی 16ی لیگ وەنە و لە زۆنی دابەزیندایە، هاندەران داوای گۆڕانکاری خێرا دەکەن، تاوەکو بگەڕێنەوە رکابەری لەسەر پلەکانی گەیشتن بە خولەکانی ئەوروپا.

پەتای کۆرۆنا کاریگەرییەکی زۆر گەورەی لەسەر دارایی لیۆن دروستکرد، بۆیە لە بازاڕی گواستنەوەی یاریزاناندا چالاک نییە.

بێنزێما لە هاوینی ساڵی 2009 بەبڕی 30 ملیۆن پاوەند، لە لیۆنەوە پەیوەندی بە ریال مەدرید کرد، بێنزێما بووە دووەم باشترین گۆڵکاری مێژووی یانەکە، بە تۆمارکردنی 353 گۆڵ لە 647 یاری.

بابەتی زیاتر

Back to top button