ڤیدیۆ; توڕەی گولەر بەهۆی بڕیارەكانی ئانچێلۆتیەوە
یاریگا –
ئاردا گولەر، یاریزانی توركی یانەی ریال مەدریدی ئیسپانی لە بڕیارێكی كارلۆ ئانچێلۆتی توڕە دەبێت و درێسی راهێنانەكان دەخاتە سەر زەوی.
رۆژی یەكشەممەی رابردوو ریال مەدرید لە یاریگای سانتیاگۆ بێرنابیۆی تایبەت بە خۆی میوانداری ئالمێریای كرد و یارییەكەش بە سێ گۆڵ بەرامبەر دوو گۆڵ لە بەرژەوەندی یانەی خاوەن ماڵ كۆتایی هات.
بەپێی زانیاریەكانی رۆژنامەی مۆندۆ دیپۆرتیڤۆ، ئاردا گولەر بۆ ماوەیەكی زۆر راهێنانی كردووە و ئامادە بووە بۆ یاریكردن، بەلام لە خولەكی 82 كارلۆ ئانچێلۆتی بڕیار دەدات كۆتا گۆڕانكاریی ئێدوارد كاماڤینگا بباتە ناوەوە.
Arda Guler was very upset to have not been subbed on against Almeria yesterday 😬🇹🇷pic.twitter.com/NEoLRinEpM
— LaLigaExtra (@LaLigaExtra) January 22, 2024
لە پارچە ڤیدیۆیەكدا دەردەكەوێت كە ئاردا گولەر توڕەیە و بە توڕەییەوە درێسی راهێنانەكان دەدات بە زەویدا و دەگەڕێتەوە سەر كورسی یەدەگ.
سەرەڕای توڕەبوونەكەشی ئاردا گولەر رەتیدەكاتەوە بەسەر لۆگۆی ریال مەدرید بڕوات.
لەم وەرزەدا گولەر دووجار لەگەل ریال مەدرید بەشداری كردووە، 59 خولەك لە جامی شای ئیسپانیا و 8 خولەك لە جامی سوپەری ئیسپانیا.
ریال مەدرید بە كۆكردنەوەی 51 خاڵ لە دووەمی ریزبەندی لالیگا دێت و بە جیاوازی خاڵێك لە دوای جیڕۆناوەیە.
