یاریگا –
فیدراسیۆنی تۆپی پێی میسڕ ئاشكرایكرد، محەمەد سەڵاح ئەستێرەی هەڵبژاردەكەیان و یانەی لیڤەرپوولی ئینگلیزی بەهۆی پێكانەوە دەگەڕێتەوە ئینگلتەرا.
لە یاری پێشووی میسڕ بەرامبەر گانا، محەمەد سەڵاح لە خولەكی 47 بەهۆی پێكانەوە یاریگای جێهێشت و نەیتوانی یاریەكە تەواو بكات.
🚨 | إصابة محمد صلاح بشد في العضلة الخلفية ويغيب مباراتين في أمم أفريقيا 🇪🇬
أثبتت الأشعة التي خضع لها محمد صلاح قائد منتخب مصر ، عن إصابته بشد في العضلة الخلفية وسيغيب عن المباراتين المقبلتين للمنتخب في أمم أفريقيا أمام كاب فيردي ، ثم مباراة دور الستة عشر في حالة التأهل . pic.twitter.com/HfIyLNc2US
— EFA.eg (@EFA) January 19, 2024
سەڵاح گەشتی ئینگلتەرا دەكات بۆ وەرگرتنی چارەسەر.
هەژماری فەرمی هەڵبژاردەی میسڕ لە پلاتفۆرمی فەیسبوك رایگەیاند: محەمەد سەڵاح ئامادەی یاری نێوان هەڵبژاردەی میسڕ و كەیپ ڤێردی دەبێت و دواتر دەگەڕێتەوە ئینگلتەرا بۆ وەرگرتنی چارەسەر.
لە بەیاننامەكەشداهاتووە: دوای ئەوەی لە چەند کاتژمێری دواییدا پشکنینی زیاتر بۆ محەمەد سەڵاح ئەنجامدرا و دوای پەیوەندی نێوان ستافی پزیشکی هەڵبژاردەی نیشتمانی و لیڤەرپوول، بڕیاردرا سبەی یاریزانەکە دوای یارییەکەی كەیپ ڤێردی بگەڕێتەوە ئینگلتەرا بۆ تەواوکردنی چارەسەرەکەی.
لە كۆتاییشدا هاتووە، بەهیوای ئەوەی بتوانێت لە قۆناخی پێش كۆتایی جامی نەتەوەكانی ئەفریقا پەیوەندی بە هەڵبژاردەكەوە بكاتەوە، لە ئەگەری گەیشتنمان بەو قۆناخە.
هەڵبژاردەی میسڕ لە دووەمی كۆمەڵەی دووەم دێت بە كۆكردنەوەی دوو خاڵ.
