میلان یاریزانێکی بارسێلۆنای دەوێت
یاریگا –
یانەی ئەیسی میلانی یتاڵی نیازی لە گوستنەوەی یاریزانێکی بارسێلۆنایە بۆ ڕیزەکانی.
ڕۆسۆنێری بەدەست ئەنجامە ناجێگیرەکانیەوە دەناڵێنێت و پێچەوانەی وەرزی ڕابردوو ئەم وەرزە لە ڕکابەرێتیە ناوخۆیی و کیشوەرییەکانیش وەک کێبڕکێکارێکی نازناوەکان خۆی پیشان نەداوە. هەر بۆیە دەیەوێت بۆ بتەوکردنی هێڵی بەرگری، سوود لە توانا و ئەزموونی کلیمۆنت لینگلێت وەرگرێت.
بەرگریکارە فەرەنسیەکە لە ساڵی ٢٠١٨ لە سێڤییاوە هاتە بارسێلۆنا و تا ٢٠٢٢ لە کەتەلۆنیا مایەوە بەڵام جارێک بە خواستن بۆ تۆتنهام و، ئێستایش بۆ ئەستۆن ڤیلایە هەر بە خواستن یاری دەکات و شوێنێکی لەگەڵ بلاوگرانا بۆ نەماوەتەوە. میلان ئەمە بە دەرفەت دەزانێت بۆ گواستنەوەی. ئەم زانیارییانە دیمارزیۆی ڕۆژنامەنووس بڵاوی کردووەتەوە.
🚨 AC Milan are exploring a deal to sign Clément Lenglet, who is on-loan at Aston Villa from Barcelona.
(Source: @DiMarzio) pic.twitter.com/zA70NGLZ5O
— Transfer News Live (@DeadlineDayLive) January 20, 2024
میلان لەم وەرزەی سێریائەی لە پلەی سێیەمە و هیوای بردنەوەی نازناوەکە تا ڕادیەکی زۆر قورس بوو لە بوونی ڕکابەرێکی وەک ئینتەری بە جیاوازی زۆر پێشەنگ و یوڤێنتوس. لە ٢٠ هەفتەی خولەکەدا ٢١ گۆڵی لێکراوە.
