ئەیمەن حوسێن تووشی پێکان بووە

یاریگا –

ئەیمەن حوسێن تووشی پێکان بووە و ئەمڕۆ پشکنینی پزیشکی بۆ دەکرێت.

ئەیمەن حوسێن هێرشبەری هەڵبژاردەی عێراق کە لە یاریی بەرامبەر ژاپۆن دوو گۆڵی کرد و سەرکەوتنێکی مێژووییان بەدەستهێنا، تووشی پێکان بووە و وابڕیارە ئەمڕۆ پشکنینی پزیشکی بۆ بکرێت بۆ ئەوەی راددەی پێکانەکەی دەستنیشان بکرێت، بەڵام بەگوێرەی زانیارییە سەرەتاییەکان پێکانەکەی سووکە.

بەگوێرەی زانیارییەکان، بە رێژەیەکی زۆر ئەیمەن حوسێن کە بە تۆمارکردنی سێ گۆڵ پێشەنگی گۆڵکارانی جامی ئاسیای گرتووە، لە یاریی سێیەمی هەڵبژاردەکەی لە کۆمەڵەی چوارەم بەرامبەر ڤیێتنام یاریی ناکات و پشوو دەدات، چونکە شێرەکانی رافیدەین سەرکەوتنیان بۆ قۆناخی داهاتوو مسۆگەر کردووە و پێدەچێت خیسۆس کاساس زۆربەی پێکهاتەکەی بگۆڕێت.