هەواڵی پێچەوانە گەیشت لە بارەی فیرمینۆ و ئەهلی
یاریگا –
پێشهاتی نوێ هاتووەتە پێشەوە لە بارەی رۆبێرتۆ فیرمینۆ و ئەگەری مانەوە یاخود دەرچوونی لە ئەهلی و دەنگوباسەکان جیاوازترە لە ماوەی ڕابردوو کە باس لە جێهێشتنی یانەکە دەکرا.
بەپێی زانیارییەکانی فابریزیۆ رۆمانۆ، سەرباری ڕاپۆرتەکان کە دەنگوباسی ڕۆیشتنی یاریزانە بەڕازیلیەکەیان گەرم کردبوو، ناوبراو پلانی نیە لەم زستانەدا ئەهلی جێ بهێڵێت.
🚨🇸🇦 Roberto Firmino, not planning to leave Al Ahli in the January transfer window despite recent reports.
Very clear message from his camp: he’s set to stay at Al Ahli. No changes expected. pic.twitter.com/2FHq25AK9o
— Fabrizio Romano (@FabrizioRomano) January 17, 2024
ئەو رۆژنامەنووسە باوەڕپێکراوە باس لەوەش دەکات لە کامپی ڕاهێنانەکانی یانەکەوە زانیاری هەیە کە رۆبێرتۆ نیازی لە مانەوەیە لەگەڵ ئەهلی و هیچ دەرفەتێک بۆ ڕۆشتنی بەدی ناکرێت.
ئەو زانیارییە نوێیە لە کاتێکدایە لە مانگی نۆڤەمبەری ساڵ ڕابردووەوە دەنگۆ هەبوو بەهۆی دابەزینی ئاستی و ناکاریگەربوون، ماتیاس یاسلێی ڕاهێنەر خواستی لە جێگرتنەوەی فیرمینۆ هەبووە بە هێنانی هێرشبەرێکی دیکە بۆ شوێنەکەی.
هاوینی ڕابردوو هێرشبەرەکە دوای نزیکەی هەشت ساڵ یاریکردن بە درێسی لیڤەرپوولەوە، بە گرێبەستێکی شەش وەرزی ڕووی کردە ئەهلی.
