یاریگا –
جیۆرجیۆ کیلینی، بەرگریکاری پێشووی یوڤێنتوس رۆڵێکی نوێ لە یانەی لۆس ئانجێلێسی ئەمریکی وەردەگرێت.
کیلینی 117 یاری نێودەوڵەتی لەگەڵ هەڵبژاردەی ئیتاڵیا کردووە، لە یۆرۆی 2020 کاپتنی ئازۆری بوو، ئەوکاتە بە لێدانی یەکلاکەرەوە لە ئینگلتەرایان بردەوە.
کیلینی پۆستی گەشەپێدانی یاریزانانی لە یانە ئەمریکییەکە وەرگرتووە و پڕۆژەیەکی فراوانی پێشکەش کردووە.
کیلینی زۆربەی کاروانی وەرزشی لەگەڵ یوڤێنتوس بەسەربرد. توانی 9 نازناوی سێریا ئەی، پێنج جامی ئیتاڵیا و پێنج جامی سوپەر بباتەوە. لە هاوینی ساڵی 2022ش پەیوەندی بە لۆس ئانجلێسەوە کرد و لە کۆتاییەکانی دیسێمبەر/کانوونی یەکەمی رابردوودا، وازی لە یاری هێنا.
