داڤیدێ نیکۆلا بووە راهێنەری ئێمپۆلی

یاریگا –

داڤیدێ نیکۆلا بووە راهێنەری نوێی ئیمپۆلی، ئەمەش دوای دوورخستنەوەی ئۆرێلیۆ ئاندرێیازۆلی.

چوارەم جار بوو ئاندرێیازۆلی ببێتە راهێنەری ئێمپۆلی، لەم وەرزەدا لە پلەی 19مدایە و لە کۆی 20 یاری 13ی دۆڕاندووە، دوا یاریشی بەرامبەر هێلاس ڤێرۆنای رکابەری زۆنی دابەزین دۆڕاند.

ئاندرێیازۆلی لە سێپتێمبەری رابردوو ئەرکی مەشقی ئێمپۆلی وەرگرت، دوای دۆڕانێکی سەختی بەرامبەر رۆما 7-0 و دوورخستنەوەی پاولۆ زانێتی.

پێشتر نیکۆلا راهێنەرایەتی سالێرنیتانای کرد و لە دابەزین رزگاریکرد. گرێبەستەکەی بۆ ماوەی ساڵێکە و بژاردەی نوێکردنەوە لەخۆدەگرێت.

راهێنەری 50 ساڵان، پێشتر راهێنەرایەتی یانەکانی تۆرینۆ، جێنوا و یودینێزی کردووە.