یاریگا –
كیلیان ئێمباپێ، ئەستێرەی هەڵبژاردەی فەڕەنسا و یانەی پاریس سانجێرمانی هەمان وڵات داهاتووی خۆی یەكلا كردەوە.
گرێبەستەكەی كیلیان ئێمباپێ لەگەڵ پاریس سانجێرمان لە هاوینی ئەمساڵدا بەسەردەچێت.
پێشتر راپۆرتە رۆژنامەوانیەكان ئاشكرایانكرد یانەی ریال مەدریدی ئیسپانی دوایین ئۆفەری خۆی بۆ گواستنەوەی هێرشبەرە فەڕەنسیەكە پێشكەش دەكات و دوا وادەش بۆ وەڵامدانەوەی دیاری دەكات.
كەمێك پێش ئێستا عەبدوڵا بولما رۆژنامەنووسی فەڕەنسی ئاشكرایكرد، كیلیان ئێمباپێ بڕیاری كۆتایی خۆی داوە و دەیەوێت ریزەكانی پاریس سانجێرمان جێبهێڵێت.
بەپێی زانیاریەكانی هەمان سەرچاوە، كۆتایی هات و بۆ وەرزی داهاتوو ئێمباپێ یاریزانی پاریس سانجێرمان نابێت.
ئاماژە بەوەشكراوە، تا ئێستا گۆڵكارە فەڕەنسیەكە ئیدارەی یانەكەی لە بڕیارەكەی ئاگادار نەكردووەتەوە، بەڵام ئەوە دڵنیا كراوەتەوە كە وەرزی داهاتوو یاری بۆ ئەو یانەیە ناكات.
رۆژنامەنووسە فەڕەنسیەكە ئەوەشی خستووەتە روو، ئێمباپێ لە پاریس نامێنێتەوە، بەڵام تا ئێستا لەگەڵ ریال مەدرید رێكنەكەوتووە.
لە راپۆرتەكەشدا هاتووە، یاریزانەكە تا ئێستا رێککەوتنی لەگەڵ ریال مەدرید نەکردووە، یانەکە چاوەڕوانی هەڵکردنی رووناکی سەوزی یاریزانەکە دەکات.
🚨 BREAKING: Kylian Mbappé has decided to LEAVE PSG. @AbdellahBoulma pic.twitter.com/9yHMFPVxJV
— Madrid Zone (@theMadridZone) January 15, 2024
لە 22 یاری ئەم وەرزەدا كیلیان ئێمباپێ توانیویەتی 21 گۆڵ بكات و دوو گۆڵیش درووست بكات.
