یاریگا –
چێڵسی هەوڵی گواستنەوەی کەریم بێنزێما و رۆبێرتۆ فێرمینیۆ دەدات.
رۆژنامەنووس مات لاو بڵاویکردووەتەوە، چێڵسی لەندەنی لەسەر داوای ماوریسیۆ پۆچێتینیۆی راهێنەری یانەکە، هەوڵی گواستنەوەی هێرشبەرێک دەدات.
بەپێی زانیارییەکانی مات، بلوز دەیەوێت لەم زستانە هێرشبەرێک بەشێوەی خواستن بۆ ماوەی شەش مانگ بگوازێتەوە ریزەکانی.
هەر بەپێی زانیارییەکانی لاو، هەریەکە لە یاریزانان کەریم بێنزێمای فەڕەنسی و رۆبێرتۆ فێرمینۆی بەڕازیلی ئامانجی یانە ئینگلیزییەکەن.
🚨🚨| BREAKING: Chelsea are having to consider the possibility of trying to find a short-term loan option for striker from Saudi Arabia in the form of Roberto Firmino or even Karim Benzema.🔵🇸🇦
[@Matt_Law_DT] pic.twitter.com/FerKWeSnWY
— CentreGoals. (@centregoals) January 15, 2024
بلوز دەیەوێت لە نێوان ئەو دوو یاریزانە گرێبەستێکی کورت خایەن لەگەڵ یەکیان واژۆ بکات، کە هەردوو یاریزانەکە ئێستا لە سعودیە یاری دەکەن.
بێنزێما پەیوەندییەکانی لەگەڵ ئیتیحاد ئاڵۆز بووە و بەشداری مەشقەکانی ئەم دواییەی نەکردووە، بۆبیش لەگەڵ ئەهلی بە دۆخێکی خراپدا تێدەپەڕێت.
هەمان سەرچاوە دووپاتیکردووەتەوە، هەردوو یاریزانەکە دەیانەوێت سعودیە جێبهێڵن و بگەڕێنەوە ئەوروپا، جیا لە چێڵسیش چەند یانەیەکی دیکە چاودێرییان دەکەن.
Pochettino heads to Spain hoping his phone doesn’t ring but unable to switch off from Chelsea’s need for a goalscorer #cfc https://t.co/diNPjBqX7w
— Matt Law (@Matt_Law_DT) January 15, 2024
