یاریگا
ریاڵ مەدرید و بارسێلۆنا بۆ جاری نۆیەم لە مێژوودا و لە یاریی کۆتایی، سوپەری ئیسپانیا رووبەڕووی یەکتری بونەوە.
یاریزانانی ریاڵ مەدرید باشتر دەستیان بە یارییەکە کرد، لە خولەکی 7 جود بێلینگهام لە ناوەڕاستی یاریگا ئاسیستێکی بۆ ڤینیسیۆس جونیۆر کرد و ئەو یاریزانە لاوەش گۆڵی یەکەمی یارییەکەی کرد.
دوای تێپەڕبوونی سێ خولەک بەسەر گۆڵی یەکەم، ئەمجارەیان رۆدریگۆ ئاسیستی بۆ ڤینی کرد و ئەو یاریزانە دووانەی لە یارییەکە کرد.
یاریزانانی بارسێلۆنا دوای ئەم گۆڵە بەخۆیاندا هاتنەوە و لیڤاندۆڤسکی لە خولەکی 33 ئەنجامی یاریی بۆ گۆڵێک کەمکردەوە.
رۆناڵد ئاراوخۆ بەرگریکاری بارسێلۆنا بووە هۆی ئەوەی نابژیوان لێدانێکی سزای لەسەر بگرێت و لە خولەکی 30 ڤینیسیۆس هاتریکی کرد.
نیوەی دووەمیش یاریزانانی ریاڵ مەدرید بوون باشتر دەرکەوتن و لە خولەکی 63 ئەمجارەیان رۆدریگۆ بۆ جاری چوارەم تۆڕی گۆڵی بارسێلۆنای هەژاندەوە.
لە خولەکی 71 نابژیوان دووەم کارتی زەردی بە رووی رۆناڵد ئاراوخۆ، بەرگریکاری بارسێلۆنا بەرز کردەوە و ئەو یاریزانەی بە کارتی سوور لە یارییەکە دەرکرد.
یارییەکە لە بەرژەوەندی ریاڵ مەدرید بە ئەنجامی 4-1 کۆتایی هات و یانە شاهانەکە بۆ جاری 13 لە مێژوو بووە پاڵەوانی جامی سوپەری ئیسپانیا، هەروەها بۆ نۆیەمجاریش لە یاریی کۆتایی جامەکە، بارسێلۆنای تووشی دۆڕان کرد.
