سێ یانەی پرێمەرلیگ گۆڵکارەکەی لالیگایان دەوێت
یاریگا –
ئارسیناڵی لەندەنی، بۆرخا مایۆڕاڵی ئیسپانی و ئەستێرەی خێتافی کردووەتە ئامانج.
رۆژنامەی سەن بڵاویکردووەتەوە، ئارسیناڵ بڕی 22 ملیۆن پاوەندی بۆ گواستنەوەی بۆرخا مایۆڕاڵی ئەستێرەی خێتافی ئیسپانی تەرخان کردووە، بەڵام یانە مەدریدییەکە داوای 39 ملیۆن پاوەند دەکات.
مایۆڕاڵ لە ئەکادیمای ریال مەدرید پێگەیشتووە، بە درێسی یەکەمی یانەکەش 37 یاری کردووە، 7 گۆڵی کردووە و 4 گۆڵیشی درووستکردووە.
🚨 Arsenal have made a £22m bid for Getafe and Spain striker Borja Mayoral.
(Source: Sun Sport) pic.twitter.com/Fg8fSRIRsb
— Transfer News Live (@DeadlineDayLive) January 11, 2024
هێرشبەرە تەمەن 26 ساڵانییەکە لە هاوینی 2022 بە بڕی 10 ملیۆن یۆرۆ لە ریال مەدریدەوە پەیوەندی بە خێتافی کرد. لەم وەرزەش لە سەرجەم پاڵەوانێتییەکان بەشذاری 22 یاری کردووە، 14 گۆڵی کردووە و گۆڵێکی درووستکردووە.
لەم وەرزەی لالیگاش لە 19 یاریدا خاوەنی 12 گۆڵ و 1 ئەسیستە، بە جیاوازی یەک گۆڵ لەدوای جود بێڵینگهام، پلەی دووەمی ریزبەندی گۆڵکارانی خولەکەی گرتووە.
هاوکات بەپێی سەرچاوە بەریتانییەکە، برێنتفۆردیش ئامانجییەتی ئەو یاریزانە بکات بە شوێنگرەوەی ئیڤان تۆنی، کە پێشبینی دەکرێت هاوینی داهاتوو یانەکەی جێبهێڵێت، جیا لەوە فولهامیش خۆی بۆ بەدەستهێنانی ئامادە کردووە.
