یاریگا –
یانەی لیڤەرپوولی ئینگلیزی پێكانی یەكێكی دیكە لە ئەستێرەكانی یانەكەی راگەیاند، پێش یارییەكەی جامی كاراباو.
وا بڕیارە سبەی چوارشەممە كاتژمێر 23:00 بە كاتی كوردستان لیڤەرپوول لە یاریگای ئانفیڵدی تایبەت بە خۆی میوانداری فولهام بكات، لە میانی یارییەكانی قۆناخی پێش كۆتایی جامی كاراباو.
لە یاری یانەكەی بەرامبەر ئارسیناڵ لە جامی یەكێتی ئینگلتەرا، ئارنۆڵد تووشی پێكان هات.
Trent Alexander-Arnold will be sidelined for 'a few weeks' due to a knee injury, assistant manager Pepijn Lijnders has confirmed 🗣️
— Liverpool FC (@LFC) January 9, 2024
كەمێك پێش ئێستا هەژماری فەرمی لیڤەرپوول لە پلاتفۆرمی ئێكس لە بەیاننامەیەكی فەرمیدا پێكانی بەرگریكارەكەی راگەیاند.
لە بەیاننامەكەی رێدزدا هاتووە:
ترێنت ئالێكساندەر ئارنۆڵد لە ئەژنۆیدا تووشی پێكان بووە و بەهۆیەوە چەند هەفتەیەك لە یاریگاكان دووردەكەوێتەوە.
زۆربەی سەرچاوەكان ئاماژە بەوە دەكەن كە بەهۆی پێكانەكەیەوە ئارنۆڵد سێ هەفتە لە یاریگاكان دووردەكەوێتەوە.
لەم وەرزەی پرێمەرلیگدا ئارنۆڵد لە 18 یاریدا بەشداری كردووە و توانیویەتی دوو گۆڵ بكات و سێ گۆڵیش درووست بكات.
