ریال مەدرید بەرگریكارێكی پرێمەرلیگی دەوێت
یاریگا –
راپۆرتە رۆژنامەوانیەكان ئاشكرایانكرد، یانەی ریال مەدریدی ئیسپانی گرنگی بە گواستنەوەی جارد برانسوەیت بەرگریكاری ئینگلیزی یانەی ئێڤەرتنی هەمان وڵات دەدات.
گرێبەستەكەی برانسوەیتی تەمەن 21 ساڵان لەگەڵ ئێڤەرتن لە هاوینی ساڵی 2027 بەسەردەچێت.
بەپێی زانیاریەكانی رۆژنامەی دەیڵی مەیڵ، ریال مەدرید چاوی لە گواستنەوەی بەرگریكارە لاوەكەی ئینگلتەرایە و دەیەوێت بیگوازێتەوە ریزەكانی یانەكەی.
🚨 Everton centre back Jarrad Branthwaite is on Real Madrid's radar ahead of a potential summer move. [@MailSport] pic.twitter.com/aVCz93zerk
— EFC DAILY (@EFCdaily_) January 8, 2024
بەپێی زانیاریەكانی هەمان سەرچاوە، چەند یانەیەكی دیكەی ئینگلتەرا گرنگی بە گواستنەوەی بەرگریكارەكەی ئێڤەرتن دەدەن، لەوانە یانەكانی مانچێستەر یونایتد و تۆتنهام.
لە راپۆرتەكەشدا هاتووە، خواستی یاریزانەكە یاریكردن بۆ ریال مەدرید و دووبارە راهێنانكردن لەژێر راهێنەرایەتیكردنی كارلۆ ئانچێلۆتیە.
پێشتر و كاتێك كارلۆ ئانچێلۆتی راهێنەری یانە ئینگلیزیەكە بوو، برانسوەیتی بۆ تیپی یەكەمی یانەكە بەرز كردەوە.
لەم وەرزەدا برانسوەیت 21 یاری بە درێسی ئێڤەرتنەوە كردووە و توانیویەتی ئاستێكی بەرز پێشكەش بكات.
