هیلال و ئیتیحاد ململانێی بەدەستهێنانی سەڵاح دەکەن
شەڕی گەورەکانی سعودیە
یاریگا –
یانەی هیلالی سعودی هاتووەتە ناو کێبڕکێی بەدەستهێنانی تواناکانی محەمەد سەڵاح.
رۆژنامەنووسی باوەڕپێکراو رودی گالێتی بڵاویکردووەتەوە، هیلالی سعودی کێبڕکێی بەدەستهێنانی واژۆی محەمەد سەڵاح دەکات، ئەمەش دوای ئەوە دێت هەفتەی رابردوو هەمان رۆژنامەنووس گرنگیدانی یانەکەی دیکەی سعودی بەو یاریزانە ئاشکرا کردبوو، دەرکەوت ئەو یانەیە هیلالە.
سەڵاح هاوینی رابردوو لەگەڵ یانەی ئیتیحادی سعودی لەسەر مەرجە کەسییەکانیش گەیشتە رێککەوتن، نزیکبوو لە جێهێشتی لیڤەرپوول، بەڵام یۆرگن کڵۆپ و یانەکەی رێگرییان لە رۆیشتنی کرد.
🚨✅ #Salah, the new 🇸🇦 club that joined the race – as revealed exclusively 4 days ago – is #AlHilal.
🗣️ As told, first contacts with his entourage already happened.
💰 #AlIttihad always in: they are planning an important attempt for the 🇪🇬 player in the coming weeks. 🐓⚽️ https://t.co/FuSOXhZu5e pic.twitter.com/VOXUAUo8Bh
— Rudy Galetti (@RudyGaletti) January 7, 2024
پێشبینی دەکرێت رێگرییەکانی رێدز تەنیا بۆ ئەم وەرزە بووبێت و ئەستێرە تەمەن 31 ساڵانییەکە هاوینی داهاتوو کاروانی وەرزشی خۆی بەرەو خولی رۆشنی سعودی بگوازێتەوە.
هەر بەپێی زانیارییەکانی گالێتی، ئیتیحاد وازی لە بیرۆکەی گواستنەوەی ئەستێرە میسڕییەکە نەهێناوە، لە مێرکاتۆی هاوینە بۆ بەدەستهێنانی ئەو یاریزانە بە پلانێکی تۆکمەتر دەگەڕێنەوە گۆڕەپانەکە.
گرێبەستەکەی سەڵاح لەگەڵ رێدز لە هاوینی 2025 کۆتایی دێت، مۆ بە درێسی لیڤەرپوول لە سەرجەم پاڵەوانێتییەکان 583 یاری کردووە، 281 گۆڵی کردووە و 141 گۆڵیشی درووستکردووە.
نازناوێکی چامپیۆنزلیگ، نازناوێکی پرێمەرلیگ، نازناوێکی جامی جیهانی یانەکان، نازناوێکی جامی سوپەری ئەوروپا، نازناوێکی جامی یەکێتی ئینگڵتەڕا، دوو نازناوی جامی کاراباو و نازناوێکی جامی قەڵغانی لەگەڵ یانەکەی بەدەستهێناوە.
Happy. New. Year. pic.twitter.com/rGvptFkymA
— Mohamed Salah (@MoSalah) January 1, 2024
